Kalɛ 12:6 - NYANMIƐN NDƐ'N 1998

⁶ Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Kalɛ 12:6 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Bo Bolɛ 20:7

Ɔ man fa bian'n i yi'n mɛn i. Man ɔ srɛ min man wɔ nan w'a wu-man. Ɔ ti min nuan ijɔfuɛ. Sɛ a fa mɛn-mɛn i'n, a nin ɔ́ wun sran'm be kwlakwla, amun ´wu.»

Bo Bolɛ 28:12

Kpɛkuun, ɔ ´cɛn laliɛ-ɔ, yrɛyrɛ kun yɛ, i bo'n taka asiɛ'n wun, i ti'n ju nyanmiɛn'n su lɔ. Nyanmiɛn i anz'm be fu su be jra.

Bo Bolɛ 28:16

Kɛ Zakɔb tinngeli'n, i waan: «Yoo! Anannganman o wa yɛ n si-man sɔ-ɔ!»

Bo Bolɛ 37:5

Kpɛkuun Zozɛf cɛnnin laliɛ kun ɔ kan kleli i niaan mun. Laliɛ sɔ'n ti bé nyin cili i trali su.

Bo Bolɛ 37:9

Zozɛf cɛnnin laliɛ kun ekun nan ɔ'a kan kle i niaan mun. Ɔ seli be kɛ: «M'an cɛn laliɛ kun ekun. Wia nin anglo'n, ɔ nin nzraama blu-nin-kun be kotoli mín bo.»

Bo Bolɛ 46:2

Kpɛkuun Nyanmiɛn kannin ndɛ aolia nun kleli i. Ɔ flɛli i, i waan: «Zakɔb! Zakɔb!» Zakɔb waan: «M'an sro!»

2 Samiɛl 7:4

Kɔnguɛ Anannganman kan ndɛ kleli Natan. I waan:

1 Famiɛn Mun 3:15

Salomɔn tinngeli, ɔ wunnin i kɛ ndɛ yɛ Nyanmiɛn ɔ'a kan kle i laliɛ nun lɛ-ɔ. Ɔ sɛli i sin Zerizalɛm, nan ɔ'a ɔ Anannganman nyrun kan Anannganman i alaka'n wo lɔ'n. Ɔ yili tɛ nga be yra be nnɛn'n kɔlikɔli'n, nin bo kun yolɛ i su tɛ mun, kpɛkuun ɔ flɛli i sufuɛ'm be kwlakwla kɛ be wa di like.

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Zɔb I Nyrɛnnɛn Wunlɛ 33:15

Ɔ kan ndɛ laliɛ nun, ɔ kɛn i aolia nun like'm be nun wie. Yɛ kɛ sran'm be la be bɛ'n su, bɔ lafilɛ'n ɔ tɔ be su'n, bɔ be lafi kpa pɔɔ'n, ɔ kan ndɛ kle be.

Zɔb I Nyrɛnnɛn Wunlɛ 4:13

Kɔnguɛ'n, laliɛ nun blɛ bɔ akunndan'm b'a yo sukusuku'n, bɔ lafilɛ dan ɔ ´tɔ sran'm be su'n, yɛ n tili-ɔ.

Jue Mun 105:15

Ɔ seli be kɛ: «Nán an kan min sran bɔ n kpali be mun. Nán an yo mín nuan ijɔfuɛ'm be tɛtɛ.»

Jue Mun 89:19

Anannganman, wɔ bɔ a ti Izraɛl Nyanmiɛn'n, bɔ a ti e famiɛn'n, sran ng'ɔ sasa ye'n, wɔ yɛ a kpɛli i-ɔ.

Ezipt Lɔ Tulɛ'n 7:1

Anannganman seli Moiz kɛ: «N wa yo man a ´yo kɛ Nyanmiɛn sa Ezipt famiɛn'n nyrun. Ɔ niaan bian Aarɔn yɛ ɔ ´ijɔ ɔ́ nuan-an.

Zeremi 23:25

Ndɛ nga be nga be waan be ijɔ min nuan'n be kan'n, n tili. Be tɔn bé wun suɛn kɛ be ijɔ mín nuan. Be ko se kɛ: «N cɛnnin laliɛ kun, n cɛnnin laliɛ kun.»

Zeremi 23:28

Sɛ Nyanmiɛn nuan ijɔfuɛ kun cɛn laliɛ'n, m'an se-man kɛ nán ɔ kan. Man ɔ kan. Nga kusu bɔ n kannin ndɛ n kleli i'n, man ɔ nian su kɛn i cɛ. Anannganman'n usa kɛ: «?Awie ja'n nin awie ba'n be ti-man ngunmin-ngunmin?

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Daniɛl 10:8

Min ba kunngba yɛ n kali lɛ yɛ n wunnin aolia nun like dan sɔ nin-ɔn. Min wunmiɛn'n wieli. Min nyrun'n kacili, ɔ kpali sa fuaii, n lɛ-man wunmiɛn kun.

Daniɛl 2:19

Kpɛkuun Nyanmiɛn yili nvialiɛ nun sa sɔ'n i nglo kleli Daniɛl aolia nun kɔnguɛ afiɛn. Nan Daniɛl ɔ'a la Nyanmiɛn b'ɔ o nglo lɔ'n i ase.

Daniɛl 7:1

Famiɛn Bɛlsazar i afuɛ klikli nga bɔ i nun yɛ ɔ trannin Babilɔni bia'n su'n, kɔnguɛ kun Daniɛl lɛ i bɛ'n su lɛ, kpɛkuun ɔ cɛnnin laliɛ yɛ ɔ wunnin aolia nun like mun. Kɛ ɔ cɛli kan'n, ɔ klɛli i laliɛ ng'ɔ cɛnnin'n, nan ɔ'a kɛn i nun sa nga be ti cinnjin'n.

Daniɛl 8:2

Kɛ n ´cɛn laliɛ'n, n ´wun i-ɔ, n wo Sizi b'ɔ ti Elam akpasua'n i famiɛn klɔ'n su, n wo nzue nga be flɛ i Ilai'n i nuan lɛ.

Ndɛ Nga Nyanmiɛn I Nuan Ijɔfuɛ Oze Kannin'n 12:11

N kannin ndɛ n kleli mín nuan ijɔfuɛ mun. N fali aolia nun ninnge kpanngban n kleli be, n fali nyanndra n wlali bé nuan be kan kleli amun.

Zoɛl 3:1

«Kɛ ɔ ko yo sɔ'n, kpɛkuun n ´fa min Wawɛ'n m ´man sran'm be kwlaa. Amun mma yasua mun, nin amun mma mmla'm be ´ijɔ mín nuan. Amún si ngbɛn-ngbɛn'm be wa wun ninnge mun laliɛ nun. Amun mma gbanflɛn'm be´wun like aolia nun.

Zakari 1:8

Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Kalɛ 24:4

Min bɔ Nyanmiɛn kɛn i nuan su ndɛ mun kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ:

Matthieu 1:20

Kɛ ɔ ´bu akunndan sɔ'n, e Min Nyanmiɛn'n i anz kun yi i wun kleli i laliɛ nun, ɔ seli i kɛ: «Zozɛf, David anunman, nán srɛ kun wɔ, fa ɔ yi Mari kɔ ɔ bo, afin ba'n bɔ ɔ'a wunnzɛ i'n ɔ fin Nyanmiɛn Wawɛ'n.

Matthieu 2:19

Kɛ Erɔd wuli'n, e Min Nyanmiɛn'n i anz kun yili i wun kleli Zozɛf Ezipt lɔ laliɛ nun, ɔ seli i kɛ:

Matthieu 23:31

I sɔ'n nun amun bɔbɔ an kle kɛ an ti be nga be kunnin Nyanmiɛn nuan ijɔfuɛ'm bé wa.

Matthieu 23:34

Ɔ man, n ´sunman Nyanmiɛn nuan ijɔfuɛ mun nin ngwlɛlɛfuɛ mun, ɔ nin mmla klefuɛ mun amún sin. Amun wa kun wie, amun ´bobo wie waka'n su, amun ´bo wie mun nin ngble amun Nyanmiɛn ndɛ suanlɛ nin i srɛlɛ sua'm be nun, yɛ amun ´kle be yalɛ klɔ'm be su

Matthieu 23:37

«Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

Matthieu 27:19

Kɛ ɔ trannin ase jɔlɛ diwlɛ lɔ'n, i yi sunmannin sran kɛ be ko se i kɛ: «Nán fa ɔ wun wla bian nanwlɛfuɛ sɔ'n i ndɛ'n nun, afin ndɛ n fɛli laliɛ nun dan kpa i ti.»

JÉSUS-CHRIST I DYASIN FE'N BO LUC KLELI'N 1:11

ɔ ´nian-an, e Min Nyanmiɛn i anz kun jin ansans yralɛ'n i fama su lɛ.

JÉSUS-CHRIST I DYASIN FE'N BO LUC KLELI'N 1:22

Kɛ ɔ fin lɔ fiteli'n, i waan ɔ ´kan ndɛ kle be, sanngɛ ɔ kwla ijɔ-man, ɔ man be wun i wlɛ kɛ ɔ wunnin aolia nun like Nyanmiɛn i sua'n nun lɔ. Kpɛkuun ɔ fɛ i sa kan ndɛ kleli be, yɛ ɔ kali bobo lelele.

JÉSUS-CHRIST I DYASIN FE'N BO LUC KLELI'N 20:6

Sɛ kusu sɛ e se kɛ sran yɛ ɔ mɛnnin i atin'n, sran'm be ´fin ye yɛbuɛ, afin be kwlaa be lafi su kpa kɛ Zan ti Nyanmiɛn nuan ijɔfuɛ.»

Sa nga bé yôli'n 10:11

Ɔ wunnin nyanmiɛn su lɔ kɛ ɔ ti tikewa, kpɛkuun like kun kan ase ba kɛ tannin dan kun yɛ b'a trɛ i nuan cɔnjɔ nnan'm be nun sa.

Sa nga bé yôli'n 10:17

Kɛ Piɛr wun-man aolia nun like sɔ'n b'ɔ wunnin i'n i wlɛ b'ɔ ´bu i akunndan'n, kpɛkuun sran bɔ Kɔrnɛyi sunmannin be bɔ be su kunndɛ Simɔn i awlo'n, be yɛ be jin anuan nun yɛ.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Mmla'n 18:15

Anannganman amun Nyanmiɛn'n ɔ wa man amun i nuan ijɔfuɛ kun kɛ min sa b'ɔ ti amun nvle'n nunfuɛ. Amun `fa ndɛ ng'ɔ ´kan'n su.

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

Hébreu 1:1

Lalafuɛ nun Nyanmiɛn man i nuan ijɔfuɛ'm be bobo i ndɛ'm be su wafa-wafa kleli e nannan mun.

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.

Sa nglô yile 11:3

N yo man min ndɛ kanfuɛ nnyɔn'm be ´wla bajɛ tralɛ, be ´kan min ndɛ'n cɛn ba akpi kun cɛn ba ya nnyɔn cɛn ba ablesiɛn (1.260).»

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.

1 Samiɛl 3:15

Samiɛl lali, kɛ aliɛ cɛnnin'n, ɔ tikeli Anannganman i sua'n i anuan'n. Srɛ kun i, ɔ kwla kan-man aolia nun like ng'ɔ wunnin i'n kle-man Eli.

1 Samiɛl 3:21

Anannganman ɔ'a yaci-mɛn i wun nglo yilɛ Silo lɔ, afin Silo lɔ yɛ ɔ yi i wun nglo kle Samiɛl-ɔ. Ɔ kɛn i ndɛ mun kle i.