Kalɛ 12:13 - NYANMIƐN NDƐ'N 1998

¹³ Yɛ Moiz sun flɛli Anannganman-an, ɔ seli kɛ: «Ee Anannganman, n ´srɛ wɔ kpa ti-ɔ, yo i juejue.»

Kalɛ 12:13 ပူးပေါင်းရင်းမြစ်များ

Bo Bolɛ 20:17

Abraam i yi Sara dunman nun ti Nyanmiɛn yoli man Abimelɛk i awlo'n nun bla'm be kwlaa be klun yoli kpan. Nan Abraam ɔ'a srɛ Nyanmiɛn ɔ'a man Abimelɛk nin i yi nin i sran mun nan b'a sin be osu b'a kwla wu ba ekun.

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

Jue Mun 30:2

Anannganman, a ti dan, m ´manman wɔ, afin a mannin min su. Yɛ wɔ man min kpɔfuɛ'm b'a sri-man min.

Jue Mun 41:4

Sɛ tukpacɛ kle i yalɛ'n, nan ɔ kwla-man jaso'n, Anannganman suɛn i bo, ɔ niɛn i lika.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 4:7

Anannganman seli i kɛ: «Fa ɔ́ sa'n sie ɔ wue'n su ɔ tralɛ'n bo lɔ ekun.» Yɛ Moiz yoli i sɔ ekun-ɔn. Kɛ ɔ ´yi i sa'n, ɔ'a sin i osu'n nun ɔ'a yo weiin.

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Zeremi 17:14

Anannganman, yo min juejue. Sɛ a yo min juejue-ɔ, n ´yo juejue sakpa. De min. Sɛ a de min-ɔn, n ´nyan n ti sakpa. Afin wɔ yɛ man n di alaje-ɔ.

Kalɛ 11:2

Sran'm be kpannin kekle, be sun flɛli Moiz, nan Moiz a kpata Nyanmiɛn, kpɛkuun fɔun yɛ sin'n nuannin-ɔn.

Kalɛ 12:12

Nán man Mari kaci kɛ ba bɔ ɔ'a wu i nin klun bɔ kɛ ɔ ´flo tɔ-ɔ, i bue kun a saci'n sa.»

Kalɛ 14:2

Izraɛlfuɛ'm be kwlaa be ijɔli Moiz nin Aarɔn bé tɛtɛ, be waan: «?Nguɛ sa yɛlɛ nga? Sɛ e wuli Ezipt mɛn'n nun lɔ'n annzɛ aawlɛ flɛnnɛn'n nun lɔ'n, wuun ɔ flunman!

JÉSUS-CHRIST I DYASIN FE'N BO LUC KLELI'N 23:34

Yɛ Jésus seli kɛ: «N Si, yaci bé wun sa'n cɛ be, afin sa nga be ´yo i lɛ'n, be wun-mɛn i wlɛ.» Be tuli i tralɛ'm bé wun fɔtɔ be fali .

JÉSUS-CHRIST I DYASIN FE'N BO LUC KLELI'N 6:28

Be nga be wua amun amuɛn'n, an `yra amún nuan man be, yɛ be nga be yo amun tɛtɛ'n, an `srɛ Nyanmiɛn kɛ ɔ yo be kpa.

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

Rɔmfuɛ Mun 12:21

Nán man be nga be yo amun tɛ'n be kwla amun, sanngɛ an `yo be kpa lele an `kwla be.

Jacques 5:15

Nyanmiɛn su bɔ be lafi'n ti'n, Nyanmiɛn srɛlɛ sɔ'n man tukpacɛfuɛ sɔ'n ´nyɛn i ti, yɛ e Min'n man ɔ ´jaso. Yɛ sɛ ɔ yoli sa wie'n, ɔ ´yaci cɛ i.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.