Kalɛ 12:10 - NYANMIƐN NDƐ'N 1998

¹⁰ Kɛ sin wɛnsrɛn'n jasoli tannin sua'n su wieli'n, kpɛkuun fuaii, kokowe ufue yɛ ɔ'a yo Mari yɛ, kokowe sɔ'n ti ufue kɛ jese fɔkɔ sa. Aarɔn ´kpɛ i nyin nian Mari-ɔ, kokowe yɛ ɔ'a yo i yɛ.

Kalɛ 12:10 ပူးပေါင်းရင်းမြစ်များ

2 Famiɛn Mun 15:5

Anannganman fali tukpacɛ tɛ kpa kun yili famiɛn'n su. Kokowe yoli i. Ɔ kɛli i wun lele ɔ fa wuli. I ti, i ngunmin trannin sua kun nun. I wa Zɔtam yoli i awlo'n su kpɛn, yɛ i kunngba'n sieli mɛn'n.

2 Famiɛn Mun 5:27

Nian, Naaman i kokowe'n, ɔ ´yo wɔ nin wɔ osu'n nunfuɛ mun, yɛ ɔ ´ka amún wun sɔ tititi.» Yɛ Geazi fiteli-ɔ. Kɛ ɔ fɛ i Elize wun lɛ b'ɔ ´kɔ'n, kokowe'n ɔ'a yo i. I wunnɛn'n yoli ufue fuaii.

2 Famiɛn Mun 7:3

Kokowefuɛ nnan be o klɔ'n i anuan'n sin. Be seli bé wun kɛ: «?E ´ka wa sa lele wie'n ´kun ye?

Ezipt Lɔ Tulɛ'n 4:6

Anannganman seli i ekun kɛ: «Fa ɔ́ sa ngbabua'n wlɛ i ɔ wue'n nun ɔ tralɛ'n bo.» Yɛ Moiz yoli i sɔ-ɔ. Kɛ ɔ ´yi i sa'n, ɔ'a fɛn fitafita kpa. Kokowe ufue ɔ'a yo i sa'n.

Ndɛ Nga Nyanmiɛn I Nuan Ijɔfuɛ Oze Kannin'n 9:12

Ba kunngun nga be ´nyan be bɔ be ´ta be'n, n ´yo man ba sɔ'm be su nyan-man bé ti yo-man sran bɔ ngbɛn. N ´de be bé sa nun. Ee, cɛn nga n ko kaci mín sin n ko si be'n, be yako wie!

Kalɛ 5:2

«Kokowefuɛ'm be kwlaa nin sran kwlaa b'ɔ lɛ loliɛ'n, annzɛ sran kwlaa ng'ɔ kannin fuɛn b'ɔ man fiɛn ɔ'a kɛn i'n, man Izraɛlfuɛ'm be mmla kɛ be kan bé bo nanmue'n nun.

Matthieu 25:41

I sin n ´se be nga be gua m bɛ su'm be kɛ: ‹Amun bɔ n Si boli amun sannzan'n, an `jao min wun lɛ wɔ anannganman sin bɔ be trɔ mannin mmusu'm bé si Satan nin i anz mun'n nun.

Mmla'n 24:9

Nán amún wla fi sa nga kɛ e fin Ezipt lɔ e fiteli'n bɔ e ´ba atin'n su'n Anannganman amun Nyanmiɛn'n fa yoli Mari'n .