Kalɛ 11:31 - NYANMIƐN NDƐ'N 1998

³¹ Anannganman yoli man aunngban kun fin jenvie'n su lɔ, ɔ fali aoko mun wa guali ngblaliɛ'n nun. Be sin yia ngblaliɛ'n. Sɛ sran kun waan ɔ ´nanti be nun'n, kɛ ɔ fɛ i bue kun su sa'n, ɔ ´nanti lele cɛn ba klonglo kun nan ɔ'a kpɛ be. I bue kun ekun su lɔ'n i kunngba nin-ɔn. Kɛ be tian be wiengu su sa, be fleiin su ju mɛtri kun.

Kalɛ 11:31 ပူးပေါင်းရင်းမြစ်များ

Jue Mun 105:40

Be waan ɔ blɛ be nnɛn. Ɔ yoli man aoko wie'm be bali. Nyanmiɛn su lɔ kpaun yɛ ɔ fa tali be-ɔ.

Jue Mun 106:15

I kusu fali like nga be usali'n mannin be. Ɔ fa mannin be, be dili i lele ɔ flannin be.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Ezipt Lɔ Tulɛ'n 10:13

Moiz mannin kpɔnman'n su, ɔ tinngɛli i Ezipt mɛn'n su, yɛ Anannganman yoli man aunngban kun fin wia afiliɛ lɔ wa fitali Ezipt mɛn'n nun. Ɔ fitali wia nun nin kɔnguɛ wunmuan'n nun. Nglɛmun kɛ aliɛ'n ´cɛn'n, aunngban'n ɔ'a fa lalo mun ɔ'a ba.

Ezipt Lɔ Tulɛ'n 10:19

Anannganman yoli man aunngban dan kpa kun fitali, ɔ fin wia atɔliɛ lɔ, ɔ wa fali lalo mun ɔli ɔ ko guali jenvie'n nun lɔ.

Ezipt Lɔ Tulɛ'n 15:10

Sanngɛ wɔ Anannganman a fitali wɔ aunngban'n, kpɛkuun jenvie'n katali bé su kplu. Be mlɔnnin kɛ sunmun sa nzue sroesroe sɔ'n nun.

Ezipt Lɔ Tulɛ'n 16:13

Nnɔsua nun'n, aoko'm be bali be wa trantrannin ngblaliɛ'n i lika'n kwlaa nun, yɛ nglɛmun kusu'n, bɔlɛ ufue'n guali sin yiali ngblaliɛ'n.

Kalɛ 11:30

Moiz nin Izraɛl kpɛnngbɛn'm be cuɛnnin bé wun be ɔli ngblaliɛ'n nun lɔ.