Kalɛ 11:29 - NYANMIƐN NDƐ'N 1998

²⁹ Moiz tɛli i su kɛ: «?A su si mín ti kwla? ?Sɛ i li Anannganman fɛ i Wawɛ'n sie i nvlefuɛ'm be kwlaa be su nan be ijɔ i nuan'n, nán ndɛ fɛ-ɔ?»

Kalɛ 11:29 ပူးပေါင်းရင်းမြစ်များ

Zoɛl 2:27

Ɔ man amun wa wun i wlɛ jrɛin kɛ e nin amun Izraɛlfuɛ mun e o nun, nan Anannganman amun Nyanmiɛn'n yɛlɛ min, nan like wie fi nun-man mín sin kun. Kɛ ɔ fin ndɛ'n, min sran'm be nyin su gua-man ase kun.»

Zoɛl 3:1

«Kɛ ɔ ko yo sɔ'n, kpɛkuun n ´fa min Wawɛ'n m ´man sran'm be kwlaa. Amun mma yasua mun, nin amun mma mmla'm be ´ijɔ mín nuan. Amún si ngbɛn-ngbɛn'm be wa wun ninnge mun laliɛ nun. Amun mma gbanflɛn'm be´wun like aolia nun.

Kalɛ 11:30

Moiz nin Izraɛl kpɛnngbɛn'm be cuɛnnin bé wun be ɔli ngblaliɛ'n nun lɔ.

JÉSUS-CHRIST I DYASIN FE'N BO LUC KLELI'N 10:2

Ɔ seli be kɛ: «Awie'n ɔ'a yo ye dan, sanngɛ junman difuɛ'm b'a sɔn-man. I sɔ'n ti'n, an `se fie i fuɛ'n man ɔ fa sran nan be wɔ i fie'n su.

Sa nga bé yôli'n 26:29

Yɛ Pɔl seli i kɛ: «N ´srɛ Nyanmiɛn kɛ, sɛ ndɛ o, sɛ cɛn wie o, a kaci kɛ min sa. Nán man ɔ yo wɔ kunngba, sanngɛ n ´srɛ Nyanmiɛn kɛ amun kwlaa bɔ an tie min ndɛ'n ndɛkɛn'n, an kaci kɛ min sa wie, sanngɛ nán kɛ be ci amun kɛ min liɛ'n sa-a.»

1 Korɛntfuɛ Mun 13:4

Sran b'ɔ klo sran'n, ɔ trɛ i anwlɛn sran wun, sran b'ɔ klo sran'n, ɔ yo aklunye, yɛ i nyin blo-man sran like su, sran b'ɔ klo sran'n, ɔ di-man tutre, ɔ tu-mɛn i wun,

1 Korɛntfuɛ Mun 14:5

N liɛ'n, sɛ amun kwlaa an ijɔ aniɛn wie mun, ɔ yo n fɛ, sanngɛ ng'ɔ ´yo n fɛ kpa'n yɛlɛ kɛ an ijɔ Nyanmiɛn nuan. Sɛ sran ng'ɔ ijɔ aniɛn wie mun b'ɔ kaci-man ndɛ sɔ'n i ti asɔnunfuɛ'm be ti-man nan b'a yo kpa'n, sran ng'ɔ ijɔ Nyanmiɛn nuan'n ti dan trɛ i sɔ sran'n.

1 Korɛntfuɛ Mun 3:21

I sɔ'n ti'n, nán man sran fi fa sran wie di tutre, afin sran nin like'm be kwlaa be ti amun liɛ,

1 Korɛntfuɛ Mun 3:3

afin an tɛ yo kɛ sran bɔ be ti-man Kristfuɛ sa. ?Kɛ amún nyin ci amun wiengu bɔ utre wo amun afiɛn'n, an ti-man kɛ sran bɔ be ti-man Kristfuɛ sa? ?Yɛ nán sa nga klɔ sran yo'n yɛ an yo-ɔ?

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

Jacques 4:5

?Nyanmiɛn Ndɛ nga be klɛli i kɛ Nyanmiɛn Wawɛ'n b'ɔ fa mannin ye'n jrɛn i nuan si i ti kwla'n, an bu i kɛ be klɛli i ngbɛn ?

Jacques 5:9

Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.

1 Samiɛl 10:6

Kpɛkuun Anannganman Wawɛ'n ´jra ɔ́ su, a nin be amun ´kan Nyanmiɛn nuan ndɛ'n. A ´kaci sran uflɛ.