Kalɛ 11:25 - NYANMIƐN NDƐ'N 1998

²⁵ Anannganman jrali sin wɛnsrɛn'n nun kpɛkuun ɔ nin Moiz be ijɔli. Nyanmiɛn fali Wawɛ ng'ɔ o Moiz i su'n wie mannin kpɛnngbɛn ableso sɔ mun. Kɛ Wawɛ'n jrali bé su'n yɛ be tɔli Nyanmiɛn i nuan ijɔlɛ'n su-ɔ. Sanngɛ i sɔ'n ɔ'a cɛ-man.

Kalɛ 11:25 ပူးပေါင်းရင်းမြစ်များ

2 Famiɛn Mun 2:15

Nyanmiɛn i nuan ijɔfuɛ nga be o Zeriko lɔ'n, be o mmua lɔ be wunnin like nga Elize yoli'n. Be seli be afiɛn kɛ: «Eli i wawɛ'n wo Elize su.» Be ko kpɛli i atin, be koto utuli be nyin ase i nyrun lɛ.

Neemi 9:20

A fali ɔ Wawɛ'n mannin be kɛ ɔ kle be ngwlɛlɛ. W'a yaci-man ɔ mani'n be fa manlɛ le. A mannin be nzue kɛ be nɔn.

Jue Mun 99:7

Ɔ jrannin nyanmiɛn ble b'ɔ jaso tianmaan'n nun ɔ kan ndɛ kleli be. Ndɛ ng'ɔ kan kleli be'n, ɔ nin mmla ng'ɔ fa mannin be'n, be niannin su.

Ezipt Lɔ Tulɛ'n 32:32

Yaci bé sa tɛ'n cɛ be. Sɛ w'a yo-man sɔ'n, wuun kpɛ i kpo nunnun min dunman'n ɔ fluwa nga a klɛli'n nun.»

Ezipt Lɔ Tulɛ'n 34:5

Anannganman jrali sin wɛnsrɛn tianman kun nun, ɔ wa jrannin Moiz i wun lɛ. Yɛ ɔ boli i dunman seli kɛ: «Anannganman nin-ɔn.»

Ezipt Lɔ Tulɛ'n 40:38

Sin wɛnsrɛn ng'ɔ kata tannin sua'n su wia nun'n, ɔ nin sin ng'ɔ jue kɔnguɛ'n, be nun yɛ Anannganman yi i wun nglo kle Izraɛlfuɛ mun lele yɛ be fa juli be juwlɛ-ɔ.

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Ezekiɛl 8:11

Izraɛl kpɛnngbɛn ableso be jin nglo talɛ'n wun ninnge sɔ'm be nyrun lɛ. Safan i wa Zazania o be nun. Ansans yrawlɛ ninnge o be sa nun sɛsɛsɛ, yɛ ansans nga be su yrɛ i'n i wɛnsrɛn'n ɔ jaso kpa tukuu.

Kalɛ 11:17

N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Kalɛ 12:5

Anannganman jrali sin wɛnsrɛn tiaan kun nun, kpɛkuun ɔ jrannin tannin sua'n nyrun lɛ. Ɔ flɛli Aarɔn nin Mari, yɛ be nnyɔn'n be wunngeli i wun lɔ-ɔ.

Kalɛ 16:25

Moiz jasoli, ɔ ɔli Datan nin Abiram be wun lɔ. Kɛ ɔ ´kɔ'n, Izraɛl nvle'n nun kpɛnngbɛn'm be suli i su.

Kalɛ 24:2

Kɛ ɔ niannin lɔ sɔ'n, ɔ wunnin Izraɛlfuɛ'm bɔ be o be ngblaliɛ'n nun lɔ'n, nan Nyanmiɛn Wawɛ'n ɔ'a jrɛ i su,

Kalɛ 27:18

Anannganman seli Moiz kɛ: «Flɛ Nɛn i wa Zozie b'ɔ ti yasua kun bɔ min Wawɛ'n wo i nun'n, nan fa ɔ́ sa'n fuɛ i su.

Sa nga bé yôli'n 11:28

Be nun kun bɔ be flɛ i kɛ Agabis'n, ɔ jaoli nan Nyanmiɛn Wawɛ'n man ɔ'a se kɛ awe dan kpa ɔ wa kpɛn mɛn wunmuan'n nun. Klod blɛ su yɛ awe sɔ'n kpɛnnin-ɔn.

1 Korɛntfuɛ Mun 14:32

Ndɛ nga Nyanmiɛn nuan ijɔfuɛ ´kan'n, man ɔ bu i akunndan nan ɔ'a kan,

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.

Jɔlɛ Difuɛ Mun 3:10

Anannganman i Wawɛ'n jrɛli i su. Ɔ yoli Izraɛl nvle nun jɔlɛ difuɛ ɔ nin Kisan-Riseataim, b'ɔ ti Mezopotami famiɛn'n be kunnin, nan Anannganman ɔ'a yi famiɛn sɔ'n ɔ'a mɛn i.

1 Samiɛl 10:10

Kɛ be juli Gibea'n, be nin Nyanmiɛn nuan ijɔfuɛ akpasua kun yiali. Nyanmiɛn i Wawɛ'n jrɛli i su nan ɔ nin be b'a kan Nyanmiɛn nuan ndɛ mun.