Kalɛ 11:17 - NYANMIƐN NDƐ'N 1998

¹⁷ N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Kalɛ 11:17 ပူးပေါင်းရင်းမြစ်များ

Bo Bolɛ 11:5

Anannganman fin nglo lɔ jra niannin klɔ nin sua sɔ'n bɔ sran'm be su kplan'n.

Bo Bolɛ 17:22

Kɛ Nyanmiɛn nin Abraam be wieli ijɔ'n yɛ ɔ jasoli Abraam wun lɛ ɔli-ɔ.

Bo Bolɛ 17:3

Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ:

Bo Bolɛ 18:33

Kɛ Anannganman nin Abraam be wieli ijɔ'n yɛ ɔ ɔli-ɔ. Abraam kusu sɛli i sin i awlo.

2 Famiɛn Mun 2:15

Nyanmiɛn i nuan ijɔfuɛ nga be o Zeriko lɔ'n, be o mmua lɔ be wunnin like nga Elize yoli'n. Be seli be afiɛn kɛ: «Eli i wawɛ'n wo Elize su.» Be ko kpɛli i atin, be koto utuli be nyin ase i nyrun lɛ.

2 Famiɛn Mun 2:9

Kɛ be kpɛli Zurdɛn'n, Eli seli Elize kɛ: «Like nga a klo kɛ n yo man wɔ'n, kan ka nan Anannganman ɔ'a fa min nan m'an jaso ɔ́ wun wa.» Elize tɛli i su kɛ: «N klo kɛ n ´nyan Nyanmiɛn Wawɛ ng'ɔ wo ɔ su'n i sɔ kpɛ nnyɔn.»

Neemi 9:20

A fali ɔ Wawɛ'n mannin be kɛ ɔ kle be ngwlɛlɛ. W'a yaci-man ɔ mani'n be fa manlɛ le. A mannin be nzue kɛ be nɔn.

Ezipt Lɔ Tulɛ'n 18:18

Ɔ wunmiɛn'n wa wie, yɛ nvlefuɛ nga be gua yɛ'n be kusu be wunmiɛn liɛ'n wa wie. Junman'n ti dan. Ɔ tra ɔ wunmiɛn'n su, ɔ kunngba a su kwla di-man.

Ezipt Lɔ Tulɛ'n 18:22

Man be yɛ be siesie ndɛ ng'ɔ tɔ nvlefuɛ'm be afiɛn nin-ɔn. Ndɛ nga be ti dandan bɔ be kwla-man be kan'n, man be fa be blɛ wɔ. Ndɛ nga be ti kanngan'n, man be bɔbɔ be kan be. Sɛ ɔ yo sɔ'n, ɔ junman'n i su ´kpɛ kan, afin be wa uka wɔ i dilɛ nun.

Ezipt Lɔ Tulɛ'n 19:11

Man be siesie bé wun be minndɛ ainman sin, afin cɛn sɔ'n nun n wa jra Sinai oka'n su sran'm be kwlaa be nyrun.

Ezipt Lɔ Tulɛ'n 19:20

Anannganman jrali Sinai oka'n i ti su nglo lɔ, ɔ flɛli Moiz, nan Moiz ɔ'a fu oka'n su lɔ.

Ezipt Lɔ Tulɛ'n 34:5

Anannganman jrali sin wɛnsrɛn tianman kun nun, ɔ wa jrannin Moiz i wun lɛ. Yɛ ɔ boli i dunman seli kɛ: «Anannganman nin-ɔn.»

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Kalɛ 11:25

Anannganman jrali sin wɛnsrɛn'n nun kpɛkuun ɔ nin Moiz be ijɔli. Nyanmiɛn fali Wawɛ ng'ɔ o Moiz i su'n wie mannin kpɛnngbɛn ableso sɔ mun. Kɛ Wawɛ'n jrali bé su'n yɛ be tɔli Nyanmiɛn i nuan ijɔlɛ'n su-ɔ. Sanngɛ i sɔ'n ɔ'a cɛ-man.

Kalɛ 12:5

Anannganman jrali sin wɛnsrɛn tiaan kun nun, kpɛkuun ɔ jrannin tannin sua'n nyrun lɛ. Ɔ flɛli Aarɔn nin Mari, yɛ be nnyɔn'n be wunngeli i wun lɔ-ɔ.

Kalɛ 12:8

N kan min ndɛ mun weiin n kle i. N yi mín wun nglo weiin n kle i, n yo-mɛn i nyanndra nun, ɔ wun wafa nga n fa ti'n. ?Yɛ ɔ yo sɛ ti yɛ an kan min sufuɛ sɔ'n i wun ndɛ tɛtɛ bɔ srɛ kaan sa kun-man amun nin-ɔn?»

Kalɛ 27:18

Anannganman seli Moiz kɛ: «Flɛ Nɛn i wa Zozie b'ɔ ti yasua kun bɔ min Wawɛ'n wo i nun'n, nan fa ɔ́ sa'n fuɛ i su.

Kalɛ 7:89

Sɛ Moiz wlu tannin sua'n nun lɔ kɛ ɔ nin Anannganman be ´ko koko yalɛ'n, ɔ ti aniɛn kun, ɔ tɛ Nyanmiɛn i alaka'n i ti tre i su, anz nnyɔn'm be afiɛn lɛ. Kpɛkuun Moiz nin Anannganman be koko yalɛ.

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jean 7:39

Sa ti b'ɔ seli sɔ'n yɛlɛ Nyanmiɛn Wawɛ'n bɔ be nga be wa lafi i su'n be ´nyɛn i'n. Ke ɔ ´yo sɔ'n, wuun Nyanmiɛn nian fa-man i Wawɛ'n nian man-man, afin ɔ nian yi-man Jésus i wafa ng'ɔ ti'n i nglo.

Rɔmfuɛ Mun 8:9

Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

1 Korɛntfuɛ Mun 2:12

Afin e liɛ'n, akunndan nga sran'm be bu'n, nɛ́n i wie yɛ Nyanmiɛn man e bu-ɔ, sanngɛ Nyanmiɛn fɛ i Wawɛ'n mannin ye, kɛ e si like kwlaa ng'ɔ mannin ye i klun-ufue'n ti'n.

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

Jude 1:19

Sran sɔ'm be yɛ man sran nin sran be bu nin-ɔn. Be ti klɔ sran, Nyanmiɛn Wawɛ'n sie-man be.

1 Samiɛl 10:6

Kpɛkuun Anannganman Wawɛ'n ´jra ɔ́ su, a nin be amun ´kan Nyanmiɛn nuan ndɛ'n. A ´kaci sran uflɛ.