Kalɛ 11:13 - NYANMIƐN NDƐ'N 1998

¹³ ?Ninfan yɛ n ´ko nyan min nnɛn liɛ nan m'an fa man sran nga be ´sun gua mín wun yɛ'n, bɔ be ´se n kɛ m `man be nnɛn man be di yɛ mun-ɔn?

Kalɛ 11:13 ပူးပေါင်းရင်းမြစ်များ

2 Famiɛn Mun 4:43

I sufuɛ'n usɛli i kɛ: «?Like kɛ nga sa'n, n ´yo sɛ yɛ n ´cɛcɛ nun m ´man sran ya b'ɔ ´yo ye-ɔ?» Elize waan: «Cɛcɛ nun fa man be kwlaa man be di, afin Anannganman waan be wa di yɛ i wie ´ka.»

2 Famiɛn Mun 7:2

Famiɛn'n i sonja'm bé su kpɛn ng'ɔ mantan famiɛn'n kpa'n, b'ɔ famiɛn'n kisɛ i sa su'n, tɛli Nyanmiɛn i sran'n su kɛ: «?Kannzɛ Anannganman kpɛ toklo nyanmiɛn su lɔ bɔbɔ'n, i sɔ like'n kwla yo?» Yɛ Elize seli i kɛ: «Ɔ nyinma'n ´wun i, sanngɛ ɔ́ nuan su kɛn-mɛn i.»

Kalɛ 11:20

Amun ´di i lele anglo klonglo kun, ɔ ´flan amun siɛn'n, lele ɔ ´bɔn amun bue nun. Kɛ bɔ amun yoli min bɔ n wo amun afiɛn'n min finfin, bɔ amun sun guali min wun, bɔ amun seli kɛ: ?Nguɛ ti yɛ e fin Ezipt lɔ e bali'n? Sa nga amun yoli'n i nuan fɔ nga n ´tu amun'n yɛ ɔ o lɛ-ɔ? › »

Kalɛ 11:21

Moiz seli kɛ: «Sran nga be sin yia min yɛ'n be ju sran akpi-akpi ya nsiɛn. Kpɛkuun ɔ waan a ´man be nnɛn lele anglo klonglo kun.

Kalɛ 11:22

Sɛ e kun é bua nin e nannin'm be kwlakwla'n ɔ su ju-man lika fi. Sɛ e waan e ko tra kpatra nga be o jenvie'n nun'n be kwlaa bɔbɔ'n, ɔ su ju-man be.»

Matthieu 15:33

I sɔnnzɔnfuɛ'm be usɛli i kɛ: «?E ´yo i sɛ nan y'a nyan like b'ɔ kwla ju sran kpanngban kɛ nga sa mun aawlɛ flɛnnɛn nga nun wa?»

Marc 8:4

I sɔnnzɔnfuɛ'm be seli i kɛ: «?Ɔ ´yo sɛ yɛ be ´kwla nyan like diwa aawlɛ flɛnnɛn nga nun wa man be bɔ be ku ´yi-ɔ?»

Marc 9:23

Yɛ Jésus seli i kɛ: «A se n kɛ, sɛ a kwla yo'n…nian, sran ng'ɔ lafi Nyanmiɛn su'n ɔ kwla sa'n kwla yo.»