Kalɛ 11:1 - NYANMIƐN NDƐ'N 1998

¹ Cɛn kun Izraɛlfuɛ'm be ijɔli Nyanmiɛn tɛtɛ kpa. Kɛ Anannganman tili i sɔ'n, ɔ fali ya nan sin ɔ'a nunnun ngblaliɛ'n i bue kun.

Kalɛ 11:1 ပူးပေါင်းရင်းမြစ်များ

Bo Bolɛ 38:10

Sa sɔ'n b'ɔ yoli'n ti Anannganman fali ya i wun nan ɔ man ɔ'a wu wie.

2 Samiɛl 11:27

Kɛ be wieli sɛ'n yo'n, David man be ko fɛ bali i awlo lɛ, ɔ jɛli i, yɛ ɔ nin i be wuli ba yasua kun.

2 Famiɛn Mun 1:12

Eli tɛli i su kɛ: «Sɛ n ti Nyanmiɛn sran'n, wuun man sin fin nyanmiɛn su lɔ wa yra wɔ nin ɔ sonja ablenun mun .» Yɛ Nyanmiɛn i sin'n fin nyanmiɛn su jrali-ɔ, ɔ wa dili i nin i sonja ablenun mun.

Zɔb I Nyrɛnnɛn Wunlɛ 1:16

I nuan nian tɔ-man, kpɛkuun sran kun ekun ɔ'a a to Zɔb, i waan: «Nyanmiɛn i sin'n fin nyanmiɛn su lɔ, ɔ yrali bua mun, ɔ nin ɔ junman difuɛ mun. N kunngba yɛ n nyannin mín ti n wanndili-ɔ, yɛ m ba ɔ kan klelɛ-ɔ.»

Jue Mun 106:18

Sin kunnin be akpasua kun sɔ mun. Sin taaman dili klunwifuɛ sɔ mun.

Jue Mun 78:21

Kɛ Anannganman tili ndɛ sɔ'n, ɔ fali ya. Ya ng'ɔ fɛli i Izraɛlfuɛ'm bɔ be ti i nvle nunfuɛ'm bé wun'n ti wluwlu kɛ sin yɛ ɔ'a trɔ i bé wun sa,

Jue Mun 78:63

Sin kunnin be gbanflɛn mun, be talua'm b'a nyan-man yasua bɔ be ´bo flɛ be kun-ɔn .

Ezipt Lɔ Tulɛ'n 16:7

Ainman nglɛmun kusu amun wa wun Anannganman i nyrun nyannyan'n, afin ɔ tili trikilɛ nga amun trikili i su'n. ?Wan yɛlɛ e bɔ amun triki e su-ɔ?»

Ezipt Lɔ Tulɛ'n 16:9

Moiz seli Aarɔn kɛ: «Kan kle Izraɛlfuɛ'm be kwlakwla kɛ be bla Anannganman nyrun, afin ɔ tili trikilɛ nga be trikili i su'n.»

Ezai 10:17

Izraɛl'n i kpajalɛ b'ɔ kpaja'n ɔ ´kaci sin, yɛ i Nyanmiɛn'n ɔ ´yo kɛ sin taaman sa, ɔ wa sɔ, ɔ ´yra susrɛ mun nin owie mun, ɔ ´yra be cɛn kunngba lekeleke.

Ezai 30:33

Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Ngwlɛ Yilɛ 3:39

Sran fi lɛ-man atin se-man kɛ: «?Ɔ yo sɛ ti yɛ sa kɛ nga sa ju mín su-ɔ?» ?Sɛ ɔ li a yo sa tɛ lele bɔ sanngɛ a tɛ o nguan nun'n, a fɛ-mɛn i sɔ?

Ezekiɛl 20:36

Kɛ n fa buli amun nannan'm be fɔ aawlɛ flɛnnɛn'n nun lɔ'n, i sɔ yɛ n ´fa bu amun-ɔn, min Anannganman Nyanmiɛn'n yɛ n kan sɔ-ɔ .

Saun Yolɛ 10:2

Bé ja nun lɛ kpɛkuun vlauun, sin fin Anannganman nyrun lɛ ɔ su jue, ɔ ka lɛ yrali be nnyɔn'n Anannganman nyrun lɛ, ɔ man be wuli.

Naɔm 1:5

Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Abakik 3:5

Ɔ to tukpacɛ tɛ bɔ sa ndɛndɛ'n yi i nyrun yɛ ɔ ba-a. Kan ɔ sin lɛ'n, ɔ ti tukpacɛ ngunmin .

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 11:18

Se nvlefuɛ'm be kɛ: ‹Amun `yo amún wun saun sie ainman, nan amun wa di nnɛn, afin n tili amun sunlɛ nga amun sunnin i wun'n. Amun seli kɛ: ?Wan yɛ ɔ ´man e nnɛn nan y'a di-ɔ? Afin e nyan like kpakpa e di Ezipt lɔ. N wa man amun nnɛn amun ´di.

Kalɛ 12:2

Be seli kɛ: «?Moiz i ngunmin li yɛ Anannganman ijɔ kle i-ɔ? ?Ɔ'a ijɔ-man ɔ'a kle-man e bɔbɔ nga e wie?» Anannganman tili be ndɛ nga be kannin'n.

Kalɛ 14:2

Izraɛlfuɛ'm be kwlaa be ijɔli Moiz nin Aarɔn bé tɛtɛ, be waan: «?Nguɛ sa yɛlɛ nga? Sɛ e wuli Ezipt mɛn'n nun lɔ'n annzɛ aawlɛ flɛnnɛn'n nun lɔ'n, wuun ɔ flunman!

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Kalɛ 14:27

«?Mín wun ndɛ tɛtɛ nga nvlefuɛ klunwifuɛ nga'm be kan'n, cɛn onin ko yɛ be yaci-ɔ? M'an ti mín wun ndɛ tɛtɛ sɔ'n wie be nuan nun pɛ.

Kalɛ 14:28

Se be kɛ m bɔbɔ min Anannganman n wan yoo: ‹N ti Nyanmiɛn bɔ n lafi-man, yɛ wafa nga amun fa kannin min ndɛ bɔ n tili'n, i su sa yɛ n fa ´yo amun-ɔn.

Kalɛ 16:11

Sa nga ti yɛ a nin ɔ minniɛn mun amun cicili Anannganman wun'n yɛ ɔ o lɛ-ɔ. ?Afin waan yɛlɛ Aarɔn bɔ amun kɛn i ndɛ tɛtɛ nin-ɔn?»

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Kalɛ 17:5

I sɔ'n, ɔ ´kpɛn Izraɛlfuɛ'm bé wla kɛ sran ng'ɔ ti-man Aarɔn i osu'n nun sran'n, ɔ lɛ-man atin kɛ ɔ yra ansans Anannganman i nyrun. Sran nga bɔ ɔ'a di-man su nan ɔ ko yo i sɔ sa'n, sa kunngba ng'ɔ juli Kɔre nin i minniɛn'm bé su'n, ɔ ´ju i su wie kɛ Anannganman man Moiz kan kleli Aarɔn'n sa.

Kalɛ 21:5

yɛ be tɔli Moiz nin Nyanmiɛn bé wun ndɛ tɛtɛ kanlɛ'n su-ɔ. Be waan: «?Nzu ti yɛ amun fali e Ezipt lɔ bali wa-a? ?E kunlɛ ti yɛ amun fali e bali aawlɛ flɛnnɛn'n nun wa-a? Be nyan-man aliɛ be di-mɛn i wa, yɛ be nyan-man nzue be nɔn-mɛn i wa, yɛ nyrɛnnɛn aliɛ nga ɔ'a flan ye .»

1 Korɛntfuɛ Mun 10:10

Nán an ijɔ amun konviabo kɛ be nun wie'm be ijɔli b'ɔ man wie'n tɔli be nun nunnunnin be'n sa .

Mmla'n 25:18

Kɛ be nian bɔ afɛ'n ɔ'a ti amun'n, be ko bu sali atin'n nun, be fali alɛ'n wlali kokowa bofuɛ bɔ be kasiɛn lɔ'n be sin . B'a sro-man Nyanmiɛn.

Mmla'n 32:22

Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.

Mmla'n 9:22

Amun klɔklɔli Anannganman Tabeera lɔ, nin Masa lɔ, yɛ Kibrɔt-Atava lɔ, ɔ man ɔ fali ya.

Hébreu 12:29

afin e Nyanmiɛn'n ti kɛ sin sa, ɔ yra .

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.