Kalɛ 10:29 - NYANMIƐN NDƐ'N 1998

²⁹ Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Kalɛ 10:29 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 32:12

Yaci, de min min niaan bian Ezau sa nun. Nanwlɛ, n sro i. Srɛ kun min, sɛ ɔ wa kun min nin bla ta mun nin ba mun o.

Jue Mun 100:1

Ye silɛ jue. Asiɛ'n sufuɛ mun, amun kwlaa amun `kpan kekle be yi be aklunjuɛ'n i nglo be kle Anannganman.

Jue Mun 34:8

Anannganman i anz'n ɔ bo sin yia be nga bé nyin yi i'n, yɛ ɔ yi be sa kekle'm be nun fite.

Jue Mun 95:1

An `bla man e bo e sro e yi e aklunjuɛ i nglo e kle Anannganman. E `mɛnmɛn i b'ɔ ti yɛbuɛ bɔ e talo i'n, bɔ i ti yɛ e nyan e ti'n.

Ezipt Lɔ Tulɛ'n 18:1

Moiz i sia Zetro b'ɔ ti sraka yifuɛ Madian lɔ'n tili junman nga Anannganman Nyanmiɛn'n dili mannin Moiz nin Izraɛl b'ɔ ti i nvle'n be ndɛ'n. Ɔ tili i kɛ Anannganman fali Izraɛlfuɛ mun Ezipt lɔ bali.

Ezipt Lɔ Tulɛ'n 18:12

Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 18:27

Moiz yoli i sia Zetro i blandɛ nan Zetro ɔ'a sɛ sin i mɛn'n nun.

Ezipt Lɔ Tulɛ'n 2:18

Kɛ be sali be sin bé si Zetro wun lɔ'n, ɔ usali be kɛ: «Ai! ?Ɔ yoli sɛ bɔ ndɛ amun ba ndɛ sɔ-ɔ?»

Ezipt Lɔ Tulɛ'n 2:21

Moiz kplinnin su kɛ ɔ nin bian sɔ'n be ´tran. Zetro fɛli i wa bla kun mɛnnin i kɛ ɔ jɛ i. Be flɛ i kɛ Sefora.

Ezipt Lɔ Tulɛ'n 3:1

Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezipt Lɔ Tulɛ'n 6:4

E nin be e trali aenguɛ. N tali be nda kɛ Kanaan mɛn nga be trannin nun laa kɛ aofuɛ mun sa'n, n ´fa man be.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Kalɛ 10:28

Kɛ Izraɛlfuɛ'm be lɔngɔli su kɛ nga sa yɛ be ɔli-ɔ. Be ɔli akpasua-akpasua.

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Sa nga bé yôli'n 7:5

Ɔ'a mɛn-mɛn i asiɛ bɔ kaan sa mɛn sɔ'n nun b'ɔ tran su-ɔ. Kɛ ɔ nian nyan-man ba'n, ɔ seli i kɛ ɔ ´fa mɛn sɔ'n mɛn i nin i anunman mun .

Mmla'n 30:5

Ɔ ´fa amun ´ba amun nannan'm be lika'n nun, yɛ amun ´fa. Ɔ ´yo amun kpa, ɔ ´yo man amun ´sɔn tra amun nannan mun.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Jɔlɛ Difuɛ Mun 1:16

Moiz i sia b'ɔ ti Kenfuɛ'n, i osu nunfuɛ mun ɔ nin Zida akpasua su sran'm be tuli be bo mme klɔ'n su lɛ. Be ɔli Zida aawlɛ flɛnnɛn b'ɔ o Arad i ngua lɔ'n nun, nan b'a tran lɛfuɛ'm be afiɛn.

Jɔlɛ Difuɛ Mun 4:11

Ebɛr b'ɔ ti Kenfuɛ'n, ɔ nin Moiz i sia liɛ Ɔbab i osu'n nunfuɛ mun b'a kwla tran-man. Ɔbab ti Kenfuɛ'm be nannan. Ebɛr ko kplɛnnin i tannin sua liɛ'n Zananim lɔ Sɛni waka'n i wun lɔ, lika sɔ'n ɔ o Kedɛs klɔ i wun koko lɛ.

1 Samiɛl 15:6

Yɛ ɔ seli Kenfuɛ'm be kɛ: «Amun `jaso Amalɛkfuɛ'm bé wun wa wɔ mmua. Sɛ ɔ'a yo-man sɔ-ɔ, ɔ cɛ-man nan m'an kun amun wie. Amun liɛ'n, kɛ Izraɛlfuɛ'm be fin Ezipt ´ba'n, amun yoli be kpa.» Yɛ Kenfuɛ'm be cuɛnnin bé wun-ɔn.