Kalɛ 10:14 - NYANMIƐN NDƐ'N 1998

¹⁴ Be nga be kan be boli nun bɔ be o Zida i flanga'n i sin'n, be yɛ be dun mmua-a. Zida i akpasua su sonja'm be su kpɛn'n yɛlɛ Aminadab i wa yasua Naksɔn.

Kalɛ 10:14 ပူးပေါင်းရင်းမြစ်များ

Bo Bolɛ 35:22

Be o lɛ kpɛkuun Ribɛn wa wluli i si i soman Bila sin, ɔ nin i be lali, kpɛkuun i si Izraɛl tili. Zakɔb wuli ba yasua blu-nin-nnyɔn.

Bo Bolɛ 35:23

Ɔ nin Lea be liɛ kpɛnngbɛn'n yɛlɛ Ribɛn, i sin liɛ mun yɛlɛ Simeɔn, nin Levi, nin Zida, nin Isakar, yɛ Zabilɔn.

Bo Bolɛ 49:8

Zida, wɔ yɛ ɔ niaan'm be ´bo flɛ wɔ-ɔ. A ´kwla ɔ kpɔfuɛ mun, ɔ man be su man-man bé ti su. Ɔ bɔbɔ ɔ niaan'm be ´koto ɔ bo.

Kalɛ 1:5

Sran sɔ'm bɔ be wa uka amun'n be dunman mun yɛ. Ribɛn akpasua liɛ'n su'n, amun `fa Sɛdeir i wa yasua bɔ be flɛ i Elizir.

Kalɛ 1:7

Zida akpasua'n su'n, amun `fa Abinadab i wa yasua Naksɔn.

Kalɛ 10:15

Yɛ Isakar akpasua'n i su sonja'm be liɛ'n yɛlɛ Ziar i wa Nɛtaneɛl.

Kalɛ 10:5

Sɛ be bo awɛ'n nan be bo su ndɛ'n, ɔ ti akpasua'm be kɔlɛ liɛ. I klikli su'n, man akpasua nga be o tannin sua'n i bue ng'ɔ kpɛ wia afiliɛ lɔ'n be wɔ. I nnyɔn su'n, man akpasua nga be o ngua lɔ'n be wɔ.

Kalɛ 7:12

Wafa nga be fa bali'n yɛ: Cɛn i klikli su'n: Aminadab i wa Naksɔn b'ɔ fin Zida akpasua'n su'n yɛ ɔ fa i cɛlɛ ninnge liɛ'n bali-ɔ. Cɛn ba nnyɔn su'n: Ziar i wa Nɛtaneɛl b'ɔ fin Isakar akpasua'n su'n yɛ ɔ fɛ i liɛ'n bali-ɔ. Cɛn ba nsan su'n: Elɔn i wa Eliab b'ɔ fin Zabilɔn akpasua'n su'n yɛ ɔ fɛ i liɛ'n bali-ɔ. Cɛn ba nnan su'n: Sɛdeir i wa Elizir b'ɔ fin Ribɛn akpasua'n su'n yɛ ɔ fɛ i liɛ'n bali-ɔ. Cɛn ba nnun su'n: Zirisadai i wa Sɛlimiɛl b'ɔ fin Simeɔn akpasua'n su'n yɛ ɔ fɛ i liɛ'n bali-ɔ. Cɛn ba nsiɛn su'n: Deiɛl i wa Eliazaf b'ɔ fin Gad akpasua'n su'n yɛ ɔ fɛ i liɛ'n bali-ɔ. Cɛn ba nso su'n: Amiid i wa Elisama b'ɔ fin Efraim akpasua'n su'n yɛ ɔ fɛ i liɛ'n bali-ɔ. Cɛn ba mɔcuɛ'n su'n: Pɛdazir i wa Gamliɛl b'ɔ fin Manase akpasua'n su'n yɛ ɔ fɛ i liɛ'n bali-ɔ. Cɛn ba ngwlan su'n: Gidɛɔni i wa Abidan b'ɔ fin Bɛnzamɛn akpasua'n su'n yɛ ɔ fɛ i liɛ'n bali-ɔ. Cɛn ba blu'n su'n: Amisadai i wa Aiezɛr b'ɔ fin Dan akpasua'n su'n yɛ ɔ fɛ i liɛ'n bali-ɔ. Cɛn ba blu-nin-kun su'n: Ɔkran i wa Pagiɛl b'ɔ fin Azɛr akpasua'n su'n yɛ ɔ fɛ i liɛ'n bali-ɔ. Cɛn ba blu-nin-nnyɔn su'n: Enan i wa Aira b'ɔ fin Nɛftali akpasua'n su'n yɛ ɔ fɛ i liɛ'n bali-ɔ. Ninnge nga be fa bali be ti nun ti nun'n i kwlaa yɛ: pla dan kun, be fa jɛtɛ ufue yɛ be fa yoli-ɔ, ɔ ti gram akpi kun gram ya nsan (1.300), klowa nga be fa kpɛntɛn-kpɛntɛn nzue'n, jɛtɛ ufue yɛ be fa yoli-ɔ, i sɔ kun, ɔ ti gram ya nso. Nyanmiɛn sua'n nun lɔ sika sunnzunliɛ'n su yɛ be sunnzunnin-ɔn. Be guali ninnge nnyɔn sɔ'm be nun ble sanmlɛn mlɛnnɛnnɛn kpa'n bɔ be fɔtɔli i nin ngo'n, ɔ ti ble annzɛ like ng'ɔ ti kɛ ble sa'n, ɔ ti cɛlɛ like. Ninnge nga be fa bali'n be ti nun ti nun wie ekun yɛ: klowa b'ɔ ti sika ɔkwlɛ'n, i sɔ kun, ɔ ti gram ya, be guali nun ansans ɔ yili piɛ, nannin tola kun, nin bua nene kun, yɛ bua nga b'a kpɛ cro'n kun, be ´fa yi tɛ nga be yrɛ nnɛn'n kɔlikɔli'n, boli kpakpuɛ kun bɔ be ´fa yi Anannganman i kpatalɛ tɛ'n, nannin tola nnyɔn, bua nene nnun, boli kpakpuɛ nnun, bua bɔ b'a di afuɛ kun'n, i sɔ nnun. Be ´fa nnɛn sɔ mun ´yi bo kun yolɛ'n i su tɛ'n.