Kalɛ 10:12 - NYANMIƐN NDƐ'N 1998

¹² Izraɛlfuɛ'm be tuli bé bo Sinai aawlɛ flɛnnɛn'n nun lɛ kɛ Nyanmiɛn kleli be kɛ be yo'n sa. Sin wɛnsrɛn'n ko jrannin Paran aawlɛ flɛnnɛn'n nun lɔ.

Kalɛ 10:12 ပူးပေါင်းရင်းမြစ်များ

Bo Bolɛ 14:6

I sin be kwlali Ɔrfuɛ'm be bɔbɔ bé mɛn'n nun lɔ Seir oka'm be su. Be suli be su lele juli Ɛl-Paran aawlɛ flɛnnɛn'n wun lɔ.

Bo Bolɛ 21:21

Ɔ trannin Paran aawlɛ flɛnnɛn'n nun lɔ. I nin kunndɛli Ezipt bla mɛnnin i.

1 Famiɛn Mun 11:18

Be fɛli i Madian nvle'n nun lɛ be ɔli Paran. Be fali Paran lɛ sran wie mun, nan b'a ɔ Ezipt lɔ famiɛn'n sin. Ezipt famiɛn'n sikeli be. Ɔ niannin be lika, ɔ mannin be asiɛ.

Ezipt Lɔ Tulɛ'n 13:20

Izraɛlfuɛ'm be jasoli Sikɔt lɔ be kɔ kpɛli be ngblaliɛ Etam lɔ aawlɛ flɛnnɛn'n i awieliɛ lɔ.

Abakik 3:3

Nyanmiɛn fin Teman lɔ ba. Nyanmiɛn bɔ i nzuɛn nin klɔ sran liɛ'n ti-man kun'n, ɔ fin Paran oka'm be su lɔ ba. Nglo lɔ'n, i nyɛnmɛn b'ɔ ti'n, ɔ fite su lika'n kwlaa, yɛ asiɛ'n sufuɛ'm be kwlaa be mɛnmɛn i.

Kalɛ 1:1

Kɛ Izraɛlfuɛ'm be tuli Ezipt lɔ'n, i afuɛ nnyɔn'n su i anglo nnyɔn su, i cɛn ba klikli'n su'n, Anannganman kannin ndɛ kleli Moiz Sinai aawlɛ flɛnnɛn'n nun lɔ tannin sua bɔ Nyanmiɛn yi i wun nglo nun'n i nun. Ɔ seli i kɛ:

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 12:16

Kɛ ɔ yoli sɔ'n, Izraɛlfuɛ'm be tuli bé bo ɔli Azerɔt, be ko kpɛli be ngblaliɛ Paran aawlɛ flɛnnɛn'n nun.

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 13:3

Moiz niannin ndɛ nga Anannganman kannin'n su yoli. Ɔ sunmannin sran sɔ mun. Kɛ ɔ ´yo sɔ'n, wuun be tɛ o Paran aawlɛ flɛnnɛn'n nun lɛ. Sran sɔ'm be kwlaa be ti Izraɛlfuɛ'm be su kpɛn mun.

Kalɛ 2:34

Anannganman i nuan su ndɛ ng'ɔ kan kleli Moiz'n i su yɛ Izraɛlfuɛ'm be niannin be yoli i sɛsɛsɛ-ɔ. Ɔ man be yoli be ngblaliɛ'm be flanga'm bé wun lɛ, yɛ kɛ be ´kɔ'n, be kɔ nyanman su kɛ be seli be kɛ be yo'n sa, kpɛkuun kɛ be awlobo nin be afiliɛ be fa ti'n yɛ be fa kɔ-ɔ.

Kalɛ 9:1

Anannganman kannin ndɛ kleli Moiz Sinai aawlɛ flɛnnɛn'n nun lɔ. Kɛ Izraɛlfuɛ'm be tuli bé bo Ezipt lɔ'n, be afuɛ nnyɔn su'n i anglo klikli'n nun'n, ɔ seli i kɛ:

Kalɛ 9:17

Kɛ sin wɛnsrɛn'n ko tu i bo tannin sua'n su'n, wuun Izraɛlfuɛ'm be su tu bé bo be ´kɔ lika uflɛ. Kan sin wɛnsrɛn'n ko jran lɛ'n, wuun be su jran.

Kalɛ 9:5

nan b'a di cɛn sɔ'n anglo klikli'n i cɛn ba blu-nin-nnan'n su i nnɔsua nun Sinai aawlɛ flɛnnɛn'n nun lɔ. Nga Anannganman fa kleli Moiz'n i su yɛ Izraɛlfuɛ'm be niannin be yoli-ɔ.

Mmla'n 1:1

Kɛ Izraɛlfuɛ'm be tɛ o Zurdɛn'n i bue kun lɔ aawlɛ flɛnnɛn'n nun lɔ lika kpɛtɛkplɛɛ ng'ɔ mantan Zif klɔ'n lɛ'n, Moiz kan ndɛ kleli be kwlakwla. Ndɛ sɔ mun yɛ be o fluwa nga nun-ɔn. Kɛ ɔ ´kɛn i sɔ'n, wuun be o Paran, nin Tɔfɛl, nin Laban, nin Azerɔt, ɔ nin Di-zaab be afiɛn'n nun.

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 1:7

Amun `jaso be wɔ siɛn'n. Amun `wɔ Amɔrfuɛ'm be lika'n b'ɔ ti oka-oka'm be nun lɔ. Kanaanfuɛ'm be lika nga be mantan-mantan lɛ'n, amun `wɔ lɔ. Be lika kpɛtɛkplɛɛ'm be nun o, be lika bɔ be ti oka-oka'm be nun o, be lika tɔnun'm be nun o, ngua lɔ lika'm be nun o, ɔ nin jenvie nuan lɔ lika'm be nun o, amun `wɔ lɔ. Amun `wɔ lele ju Liban lɔ, amun `ju Efrat nzue ba dan'n i nuan lɔ.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

1 Samiɛl 25:1

Samiɛl wa wuli. Izraɛlfuɛ'm be kwlaa be yiali, be yoli i sɛ'n nan b'a sie i Rama lɔ i awlo'n nun. I sin David ɔli Paran aawlɛ flɛnnɛn'n nun lɔ.