Kalɛ 1:54 - NYANMIƐN NDƐ'N 1998

⁵⁴ Izraɛlfuɛ'm be niannin Anannganman i nuan su ndɛ b'ɔ kan kleli Moiz'n su be yoli i sekeseke.

Kalɛ 1:54 ပူးပေါင်းရင်းမြစ်များ

Ezipt Lɔ Tulɛ'n 12:28

I sin be ɔli be ko yoli sa nga Anannganman'n kan kleli Moiz nin Aarɔn'n i kwlaa.

Ezipt Lɔ Tulɛ'n 39:32

Kɛ Nyanmiɛn i tannin sua bɔ be flɛ i tannin sua nga Nyanmiɛn yi i wun nglo nun'n i wun junman'n kwlaa wieli kɛ nga sa. Like nga Anannganman seli Moiz kɛ ɔ `yo'n, Izraɛlfuɛ'm be niannin su be yoli i sekeseke kpan.

Ezipt Lɔ Tulɛ'n 39:43

Kɛ Moiz wunnin i kɛ i kwlaa'n ɔ'a wie kɛ Anannganman fa kleli be'n sa'n, ɔ yrali Izraɛlfuɛ'm be nguan.

Ezipt Lɔ Tulɛ'n 40:16

Like nga Anannganman seli Moiz kɛ ɔ yo'n, ɔ niannin i kwlaa'n su yoli be cɛ, i kun sa ɔ'a ka-man lɛ.

Ezipt Lɔ Tulɛ'n 40:32

Blɛ kwlaa nun kɛ be ´wlu tannin sua nga Nyanmiɛn yi wun nglo nun'n nun, annzɛ kɛ be ´mantan Nyanmiɛn i sɔwlɛ'n, be kplo bé wun fiɛn kɛ nga sa. Nga Nyanmiɛn kan kleli Moiz'n, i su yɛ be nian be yo-ɔ.

Kalɛ 1:19

Be niannin nga Anannganman kleli Moiz'n su yoli. Sinai aawlɛ flɛnnɛn'n nun yɛ Moiz kali sran mun-ɔn.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 2:1

Anannganman seli Moiz nin Aarɔn be kɛ:

Kalɛ 2:34

Anannganman i nuan su ndɛ ng'ɔ kan kleli Moiz'n i su yɛ Izraɛlfuɛ'm be niannin be yoli i sɛsɛsɛ-ɔ. Ɔ man be yoli be ngblaliɛ'm be flanga'm bé wun lɛ, yɛ kɛ be ´kɔ'n, be kɔ nyanman su kɛ be seli be kɛ be yo'n sa, kpɛkuun kɛ be awlobo nin be afiliɛ be fa ti'n yɛ be fa kɔ-ɔ.

Kalɛ 36:10

Zɛlɔfsad i mma bla'm be fali Anannganman i ndɛ ng'ɔ kan kleli Moiz'n su.

Kalɛ 8:20

Moiz nin Aarɔn, ɔ nin Izraɛlfuɛ'm be kwlakwla be yoli like nga Anannganman kan kleli Moiz kɛ be yo be man Levifuɛ mun'n.

Kalɛ 9:22

Sɛ sin wɛnsrɛn'n ka Nyanmiɛn tannin sua'n su lɛ sɛ cɛn ba nnyɔn o, sɛ anglo kun o, annzɛ afuɛ kun o, Izraɛlfuɛ'm be tran lɛ, be kɔ-man lika. Kɛ ɔ ´tu i bo'n, wuun be kusu be su tu bé bo wie.

Kalɛ 9:5

nan b'a di cɛn sɔ'n anglo klikli'n i cɛn ba blu-nin-nnan'n su i nnɔsua nun Sinai aawlɛ flɛnnɛn'n nun lɔ. Nga Anannganman fa kleli Moiz'n i su yɛ Izraɛlfuɛ'm be niannin be yoli-ɔ.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.