Kalɛ 1:50 - NYANMIƐN NDƐ'N 1998

⁵⁰ Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:50 ပူးပေါင်းရင်းမြစ်များ

2 Be Nyoliɛ 24:6

Ɔ man famiɛn'n flɛli Zɛozada b'ɔ ti Nyanmiɛn nyrun jranfuɛ'm be su kpɛn'n, ɔ usɛli i kɛ: «Sika bɔ Moiz b'ɔ ti Anannganman sufuɛ'n nin Izraɛlfuɛ'm be kleli kɛ sran'm be `yi nan be `fa di Anannganman i sua'n su junman'n, ɔ yo sɛ ti yɛ w'a jran-man su kɛ Levifuɛ'm be `dede i Zerizalɛmfuɛ mun nin Zidafuɛ'm bé sa nun-ɔn?

Neemi 12:22

Eliasib nin Zozada, nin Zosanan, ɔ nin Zadia be blɛ su yɛ be klɛli Levifuɛ'm be kpɛnngbɛn'm be dunman mun-ɔn. Nyanmiɛn nyrun jranfuɛ'm be liɛ, be klɛli i lele juli Dariis b'ɔ ti Pɛrs famiɛn'n i blɛ su.

Neemi 12:47

Zorobabɛl nin Neemi be blɛ su'n, Izraɛlfuɛ'm be kwlaa be man jue tofuɛ nin anuan su nianfuɛ'm be like liɛ ng'ɔ fata kɛ be fa man be cɛn kwlakwla'n. Be fa ng'ɔ ti bɔ be sie i ngunmin man Nyanmiɛn'n, be fa man Levifuɛ mun yɛ Levifuɛ'm be kusu be fa ng'ɔ ti Aarɔn osu nunfuɛ'm be liɛ'n be fa man be.

Neemi 12:8

Levifuɛ'm be yɛ: Zozie, Binii, Kadmiɛl, Serebia, Zida, ɔ nin Matania. Matania ɔ nin i niaan'm be yɛ be jran jue tofuɛ'm be nyrun kɛ be ´to Nyanmiɛn manmanlɛ jue mun nin-ɔn.

Neemi 13:22

Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:5

ɔ fali sua ba dan kun mɛnnin i. Sua sɔ'n i nun yɛ be sie ndidiɛ ninnge nga be fa yi sraka'n, nin ansans, nin Nyanmiɛn i sua'n nun kpongbo mun-ɔn. I kunngba'n, i nun yɛ be sie ble, nin nzan lɔflɛ, nin ngo'm be blusu nga be fa man Levifuɛ mun, nin anuan su nianfuɛ mun, nin jue tofuɛ, ɔ nin Nyanmiɛn nyrun jranfuɛ mun nin-ɔn.

Jue Mun 122:4

Lɔ yɛ Izraɛl akpasua'm be kwlaa be yia-a. Anannganman i fuɛ mun-ɔn, be yia be mɛnmɛn i. Kɛ be kleli Izraɛlfuɛ'm be sɔ-ɔ.

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Ezipt Lɔ Tulɛ'n 38:21

Nyanmiɛn i tannin sua b'ɔ ti i bɔbɔ i alaka'n i siewlɛ'n i kplanlɛ'n wun ninnge'n kwlaa bé nuan'n yɛ: Moiz yɛ ɔ seli Levifuɛ'm be kɛ be `ka ninnge sɔ mun nan be `si bé nuan-an. Aarɔn i wa yasua Itamar b'ɔ ti Nyanmiɛn nyrun jranfuɛ'n yɛ ɔ ti ninnge'm be kalɛ sɔ'n i su kpɛnngbɛn nin-ɔn.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 10:21

Levifuɛ nga be fin Keat osu nun'n, bɔ be sua ninnge nga be ti Nyanmiɛn liɛ klonglo'n be suli bé su. Levifuɛ'm bé onga'm be dun mmua ko kplannin Nyanmiɛn i lika'n be fa minndɛli Keatfuɛ mun.

Kalɛ 17:7

Izraɛlfuɛ'm be wa kpɛ sin yiali Moiz nin Aarɔn nan b'a fa ndɛnngan b'a wla bé sin. Kpɛkuun be ´nian tannin sua'n wun lɔ-ɔ, sin wɛnsrɛn'n ɔ'a kata su, kpɛkuun nyannyannyan Anannganman su yi i wun nglo.

Kalɛ 18:5

Kɛ ɔ ´yo nan m'an fa-man amún wun ya kun'n ti, amun bɔbɔ amun `di junman sua nga n yi min wun nglo nun'n nin min sɔwlɛ su.

Kalɛ 2:17

I sin, kɛ Levifuɛ'm be ´kɔ'n, man be fa tannin sua bɔ n yi mín wun nglo nun'n. Kɛ be ´kɔ'n, man akpasua nnyɔn dun mmua be nyrun, yɛ akpasua nnyɔn `ka bé sin, be kusu be `ka afiɛn. Kɛ be fa trantrannin be ngblaliɛ'm be nun'n, i su yɛ be `nian be wɔ-ɔ, sran kun trɛn i lika liɛ nun, be su be akpasua'n i flanga'n su.

Kalɛ 20:11

Moiz mɛnnin i sa'n su, ɔ fali kpɔnman'n finnin yɛbuɛ'n kpɛ nnyɔn, kpɛkuun kpu, piaa nzue fin yɛbuɛ'n nun fiteli dan kpa, nan Izraɛlfuɛ'm be nin be nnɛn mun b'a nɔn.

Kalɛ 4:15

Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.

Kalɛ 4:3

Be nga be ´klɛ be dunman sɔ'n yɛlɛ sran nga b'a di afuɛ ablasan nin afuɛ ablasan gua su'n lele b'ɔ ´fa ju afuɛ ablenun'n. Be kwlaa be kwla di junman tannin sua nga n yi min wun nglo nun'n i nun.

Kalɛ 8:19

N fali Levifuɛ mun m mannin Aarɔn nin i mma mun kɛ be `jran Izraɛlfuɛ'm be nuan be `di min junman'n tannin sua'n nun. Be yɛ n kpali be Izraɛlfuɛ'm be afiɛn kɛ be `yi Izraɛlfuɛ'm be ti tɛ mun-ɔn. Kɛ ɔ yo sɔ'n, Izraɛlfuɛ'm be su wun-man nyrɛnnɛn dandan ng'ɔ fata kɛ be wun be'n, afin be su wunnge-man lika ng'ɔ ti min liɛ klonglo'n i wun kun.»

Kalɛ 8:20

Moiz nin Aarɔn, ɔ nin Izraɛlfuɛ'm be kwlakwla be yoli like nga Anannganman kan kleli Moiz kɛ be yo be man Levifuɛ mun'n.

Kalɛ 8:22

Kɛ ɔ yoli sɔ'n, Levifuɛ'm be wa dili junman tannin sua'n nun. Kɛ be ´di junman sɔ'n, Aarɔn nin i mma mun yɛ be nian be su-ɔ. Kɛ Anannganman kan kleli Moiz kɛ be `fa yo Levifuɛ mun'n, i su yɛ be yoli-ɔ.

Sa nglô yile 15:5

I sin n wunnin nyanmiɛn su lɔ Nyanmiɛn i sua bɔ i nun yɛ ɔ yi i wun nglo'n. Nyanmiɛn i lika'n b'ɔ o i klun lɔ'n i anuan'n la su.