Kalɛ 1:4 - NYANMIƐN NDƐ'N 1998

⁴ Man akpasua kun su awlobo kpɛnngbɛn kun, akpasua kun su awlobo kpɛnngbɛn kun, be uka amun.

Kalɛ 1:4 ပူးပေါင်းရင်းမြစ်များ

1 Famiɛn Mun 8:1

Salomɔn yiali Izraɛl kpɛnngbɛn mun, ɔ nin akpasua su kpɛnngbɛn mun, ɔ nin Izraɛl awlo bo kpɛnngbɛn mun. Ɔ yiali be Zerizalɛm i bɔbɔ wun lɛ. I waan be fa Anannganman i alaka'n David i klɔ'n bɔ yɛlɛ Siɔn i su lɛ fa ɔ Nyanmiɛn i sua'n nun lɔ.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 18:25

Ɔ kpali Izraɛlfuɛ'm be nun sran nga be lɛ nyrun mun'n, nan ɔ'a sie wie mun sran akpi su kpɛn, wie mun sran ya su kpɛn, wie mun sran ablenun su kpɛn, yɛ wie mun sran blu su kpɛn.

Kalɛ 1:16

Awlobo kpɛnngbɛn nga be kpali be sɔ'n be kunngba'n be ti Izraɛl sonja'm bé su kpɛn.

Kalɛ 1:44

Kɛ Moiz nin Aarɔn, yɛ awlobo kpɛnngbɛn blu-nin-nnyɔn bɔ be jrannin be akpasua'm bé ja nun'n be kali sran mun'n, bé nuan nga be wunnin i'n yɛlɛ ng'ɔ o lɛ'n.

Kalɛ 17:3

Yɛlɛ kɛ be fa be mannin min, kannzɛ bɔ be ti sran nga be yoli sa tɛ bɔ be wuli'n be liɛ'n, man be fa yo like paplaapla mun, bɔ be ´fa kata min sɔwlɛ'n i wun, kpɛkuun i sɔ'n ɔ ´yo Izraɛlfuɛ'm be wla kpɛnlɛ like.»

Kalɛ 25:14

Izraɛlfuɛ nga be kunnin i nin Madian bla'n likawlɛ'n, be flɛ i Zimri, Sali i wa-a. Ɔ ti Simeɔn akpasua'n su awlobo kpɛn.

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»

Kalɛ 30:1

Moiz kannin Anannganman i nuan su ndɛ'n kwlaa kleli Izraɛlfuɛ mun.

Kalɛ 4:34

Moiz nin Aarɔn, ɔ nin Izraɛlfuɛ'm be kwlaa bé su kpɛnngbɛn'm be klɛli Levifuɛ'm be kwlaa nga be ti Keat, nin Gɛrsɔn, nin Mɛrari be anunman'm be dunman. Kɛ be awlobo'n nin be afiliɛ'n fa ti'n, be su yɛ be niannin be klɛli-ɔ. Sran bɔ be klɛli be dunman sɔ mun yɛlɛ be nga b'a di afuɛ ablasan annzɛ afuɛ ablasan gua su'n lele fa ju afuɛ ablenun'n. Be fali junman wafa-wafa mun wlali sran sɔ'm bé sa nun kɛ be `di be tannin sua'n nun. Kɛ Anannganman kan kleli Moiz kɛ ɔ `ka be'n, i su yɛ be niannin be kali be-ɔ. Kɛ be kali be sɔ'n, bé nuan'n yɛ: Keat i osu nunfuɛ'm be ti sran akpi nnyɔn sran ya nso sran ablenun (2.750) Gɛrsɔn i osu nunfuɛ'm be ti sran akpi nnyɔn sran ya nsiɛn sran ablasan. (2.630) Mɛrari i osu nunfuɛ'm be ti sran akpi nsan sran ya nnyɔn (3.200) Levifuɛ'm be kwlaa be ti sran akpi mɔcuɛ sran ya nnun sran ablaɔcuɛ (8.580). Levifuɛ'm be kwlaa be wunnin junman ng'ɔ fata kɛ sran kun di'n nin ninnge ng'ɔ fata kɛ ɔ sua be'n, nga Anannganman kan kleli Moiz'n, i su yɛ be niannin-ɔn.

Kalɛ 7:2

Izraɛl mɛn i nun sran'm bɔ be ti bé si'm be awlobo kpɛnngbɛn'n, be mannin cɛlɛ ninnge mun. Kpɛnngbɛn sɔ'm be yɛ be yoli dunman klɛlɛ junman'n i su kpɛn mun-ɔn.

Mmla'n 1:15

I ti nan m'an fa amun akpasua'm bé su kpɛnngbɛn mun, afin be ti ngwlɛlɛfuɛ, yɛ be bo be dunman kpa, nan m'an fa be m'an sie amún su kpɛnngbɛn. N fali wie mun n sieli sran akpi su kpɛn, n fali wie'm be kusu n sieli sran ya su kpɛn, n fali wie mun n sieli sran ablenun su kpɛn, yɛ n fali wie mun n sieli sran blu su kpɛn. Wie'm be kusu n sieli be amun akpasua kunngun'm bé su kɛ be `nian amun su.

Zozie 22:14

Kpɛnngbɛn blu yɛ be nin i be ɔli-ɔ, akpasua kun su sran kun, akpasua kun su sran kun. Be kwlakwla be ti Izraɛl awlo'm be nun kpɛnngbɛn mun.