Kalɛ 1:3 - NYANMIƐN NDƐ'N 1998

³ Amun `ka yasua'm be kwlaa nga b'a di afuɛ ablaɔn nin afuɛ ablaɔn gua su'n, bɔ be kwla di sonja, bɔ be o Izraɛl sonja akpasua-akpasua'm be nun'n.

Kalɛ 1:3 ပူးပေါင်းရင်းမြစ်များ

2 Samiɛl 24:9

Zoab boli sran'm bé nuan kleli famiɛn'n. Izraɛl sonja nga be kun alɛ-ɔ ɔ yo ye'n, be ti sran akpi-akpi ya mɔcuɛ (800.000). Zidafuɛ'm be ti akpi-akpi ya nnun (500.000).

1 Be Nyoliɛ 5:18

Sɛ alɛ tɔ Ribɛn akpasua'n nin Gad akpasua'n, nin Manase akpasua bue kun'n bé su'n, be kwla yi sonja kpakpa akpi-akpi ablanan-nin-nnan sonja ya nso sonja ablesiɛn (44.760) bɔ be si nyrɛn, nin tokofi, ɔ nin ta nun tra'n.

2 Be Nyoliɛ 25:5

Amazia yiali Zidafuɛ mun nin Bɛnzamɛnfuɛ mun. Yɛ kɛ be awlobo'm be fa ti'n, ɔ sieli be su sran akpi su kpɛn mun nin sran ya su kpɛn mun. Ɔ yoli man be kali sran nga b'a nyan afuɛ ablaɔn nin be nga be tra sɔ'n. Sran nga be ti waka-waka bɔ be kwla di sonja'n, bɔ be si cua to'n, bɔ be si nyrɛn nun tra'n, be ti akpi-akpi ya nsan (300.000).

Ezipt Lɔ Tulɛ'n 12:17

Amun `di kpaun bɔ kpaun ayre nun-man nun'n i cɛn'n, nan amún wla `kpɛn cɛn bɔ min man amun tuli Ezipt lɔ'n su. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi be `fa kpɛn amún wun wla. Ɔ ti mmla kun bɔ be kwla kaci-mɛn i.

Ezipt Lɔ Tulɛ'n 30:14

Sran kwlakwla ng'ɔ o dunman klɛlɛ sɔ'n nun wie'n, kɛ ɔ fɛ i be nga be lɛ afuɛ ablaɔn'n su b'ɔ ´fa ju be nga be tra afuɛ ablaɔn'n bé su'n, man ɔ yi i sɔ sika liɛ'n man min.

Ezipt Lɔ Tulɛ'n 38:26

Sran kun i jɛtɛ ufue ng'ɔ yili kɛ be ´klɛ sran'm be dunman'n ɔ ti gram nnun. Sran nga be klɛli be dunman'n be ti sran akpi-akpi ya nsiɛn sran akpi nsan sran ya nnun sran ablenun (603.550).

Kalɛ 14:29

Amun fuɛn'm be ´ka aawlɛ flɛnnɛn nga nun wa. Amun kwlaa nga be kali amun'n, kɛ ɔ fɛ i be bɔ be lɛ afuɛ ablaɔn'n be nun b'ɔ ´fa ju be bɔ be lɛ afuɛ ablaɔn tra'n be nun'n, bɔ amun kannin mín wun ndɛ tɛtɛ,

Kalɛ 26:2

«Amun `klɛ Izraɛlfuɛ'm be kwlakwla be dunman awlobo-awlobo. Yasua nga b'a di afuɛ ablaɔn nin afuɛ ablaɔn gua su bɔ be kwla di sonja'n, be kwlaa be yɛ be `klɛ be dunman nin-ɔn.»

Kalɛ 3:15

«Klɛ Levifuɛ'm be dunman kɛ be awlobo, nin be afiliɛ'n fa ti'n. Klɛ yasua'm be kwlaa nga b'a di anglo kun nin anglo kun gua su'n be dunman.»

Kalɛ 32:11

‹Be nga be fin Ezipt lɔ be bali bɔ be lɛ afuɛ ablaɔn nin afuɛ ablaɔn gua su'n, be nun kun sa su wun-man mɛn nga min waan n ´fa man Abraam, nin Izaak, nin Zakɔb'n. Afin bé nyin a yi-man min.

Kalɛ 33:1

Kɛ Izraɛlfuɛ'm be tuli bé bo Ezipt lɔ'n, lika nga be sinsinnin be nun mun be yɛ. Kɛ be ´kɔ'n, Moiz nin Aarɔn yɛ be ti be su kpɛn mun-ɔn, be kɔ akpasua-akpasua.

Kalɛ 4:3

Be nga be ´klɛ be dunman sɔ'n yɛlɛ sran nga b'a di afuɛ ablasan nin afuɛ ablasan gua su'n lele b'ɔ ´fa ju afuɛ ablenun'n. Be kwlaa be kwla di junman tannin sua nga n yi min wun nglo nun'n i nun.

Mmla'n 24:5

Sran nga ɔ'a ja bla uflɛ-uflɛ'n, nán man ɔ wɔ sonja. Nán be miɛn i kɛ ɔ yo junman uflɛ. Man ɔ trɛn i awlo lɔ afuɛ nuan kun nan ɔ yo man i yi i klun jɔ.

Mmla'n 3:18

I blɛ sɔ nun'n, n kannin ndɛ kleli amun, n jrannin su, n seli amun kɛ: «Anannganman amun Nyanmiɛn'n fali lika nga mannin amun. Sonja mun, amun kwlakwla amun `fa amun alɛ ninnge mun nan amun `dun mmua amun niaan Izraɛlfuɛ kun nga'm be nyrun.