Kalɛ 1:2 - NYANMIƐN NDƐ'N 1998

² «A nin Aarɔn amun `ka Izraɛlfuɛ'm be kwlakwla. Kɛ amun ´klɛ yasua'm be kwlaa be dunman'n, amun `klɛ be awlobo-awlobo nin kɛ be afiliɛ'n fa ti'n.

Kalɛ 1:2 ပူးပေါင်းရင်းမြစ်များ

Ezipt Lɔ Tulɛ'n 12:37

Izraɛlfuɛ'm be tuli bé bo Ramsɛs klɔ'n su lɛ be nanti ɔli Sikɔt. Be yasua'm be ngunmin'n, sɛ b'a ka-man bla nin ba kanngan, ɔ nin oke mun'n, be kwla ju sran kɔe akpi-akpi ya nsiɛn (600.000).

Ezipt Lɔ Tulɛ'n 30:12

«Blɛ bɔ a ´ka Izraɛlfuɛ mun bɔ a ´klɛ be dunman'n, man sran kun fɛ i nguan'n i ti tolɛ like man min. Kɛ ɔ yo sɔ'n liɛ'n, sran'm be kalɛ'n nun'n, nyrɛnnɛn sa fi su tɔ-man amun su.

Ezipt Lɔ Tulɛ'n 38:25

Jɛtɛ ufue'n kwlakwla nga kɛ be ´klɛ sran'm be dunman bɔ be yili'n i nuan'n yɛ: ɔ ti kilo akpi nsan kilo blu-nin-nso (3.017) ɔ nin i su gram ya nso gram ablenun, be niannin Nyanmiɛn i tannin sua'n nun lɔ ninnge sunnzunliɛ'n su yɛ be sunnzunnin-ɔn.

Ezipt Lɔ Tulɛ'n 38:26

Sran kun i jɛtɛ ufue ng'ɔ yili kɛ be ´klɛ sran'm be dunman'n ɔ ti gram nnun. Sran nga be klɛli be dunman'n be ti sran akpi-akpi ya nsiɛn sran akpi nsan sran ya nnun sran ablenun (603.550).

Kalɛ 1:18

Anglo nnyɔn su'n, i cɛn ba klikli'n su'n, be yiali sran'm be kwlaa. Be klɛli Izraɛlfuɛ'm be kwlaa nga b'a di afuɛ ablaɔn nin afuɛ ablaɔn a gua su'n be dunman. Be klɛli be dunman kɛ be awlobo'n nin be afiliɛ'n fa ti'n.

Kalɛ 1:19

Be niannin nga Anannganman kleli Moiz'n su yoli. Sinai aawlɛ flɛnnɛn'n nun yɛ Moiz kali sran mun-ɔn.