Jue Mun 99:4 - NYANMIƐN NDƐ'N 1998

⁴ Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Jue Mun 99:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 37:23

Nyanmiɛn b'ɔ kwla like kwlaa yo'n, e kwla ju-mɛn i wun lɔ. I fanngan'n ɔ ti dan. Ɔ yo sa i nuan su weiin weiin kpa. Ɔ tɛ-man sran fi su.

Jue Mun 11:7

Afin Anannganman ti sɛsɛ. Ɔ klo like nga be yo i i nuan su sɛsɛ'n. Be bɔ be ti sran kpa'n be ´wun i nyrun'n.

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Mmla'n 10:18

Ɔ kan aika mma mun nin angboti bla'm bé ti ndɛ, ɔ klo aofuɛ mun, ɔ man be aliɛ be di, ɔ man be tannin be kla.

Jude 1:15

kɛ be `fa sran'm be kwlaa bla be ja su nan be nga be sro-man Nyanmiɛn'n bé sa nga be yoli'n, be `fɛ i nuan like man be. Afin sa tɛ yofuɛ sɔ'm bɔ be sro-man Nyanmiɛn'n, be yo Nyanmiɛn sa, yɛ be kɛn i wun ndɛ tɛtɛ.

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»