Jue Mun 99:3 - NYANMIƐN NDƐ'N 1998

³ Man be manman wɔ ɔ dunman b'ɔ ti dan, b'ɔ yo sro'n ti. Ɔ nzuɛn'n nin klɔ sran liɛ'n ti-man kun.

Jue Mun 99:3 ပူးပေါင်းရင်းမြစ်များ

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Neemi 4:14

Sɛ amun ti awɛ'n, amun `yia kan e o bɔ e bo awɛ'n lɛ'n. E Nyanmiɛn'n ´kun e ti alɛ!»

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Neemi 9:5

Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Jue Mun 100:4

Kɛ amun ´wlu i sua'n nun'n, an `to ye silɛ jue. Kɛ an ´wlu i awlo klun lɔ'n, amun `to jue be mɛnmɛn i. An `yi i ayɛ. An `lɛ i ase!

Jue Mun 103:1

Jue nga ti David liɛ. I waan: N ´la Anannganman i ase! N ´tu n klun n ´lɛ i ase kpa.

Jue Mun 111:9

Ɔ wa deli i nvlefuɛ mun. Ɔ nin be trali aenguɛ b'ɔ ´ka lɛ tititi. Ɔ ti Nyanmiɛn kun b'ɔ lɛ-man wunsu, ɔ yo sro.

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Jue Mun 76:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Jue Mun 76:12

Amun `ta Anannganman amun Nyanmiɛn'n i nda kɛ amun ´yo like be mɛn i, yɛ amun `yia nda sɔ'n i nuan. Amun kwlaa nga amun ´wunnge Nyanmiɛn b'ɔ yo sro'n i wun'n, amun `fa ninnge be wa cɛ i.

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Jean 17:11

N nun-man mɛn'n nun wa kun, sanngɛ be liɛ'n be tɛ o wa, n kusu n su ba ɔ́ sin. Min Si bɔ ɔ nzuɛn'n nin klɔ sran liɛ'n ti-man kun'n, ɔ dunman'n b'ɔ o n su'n ti, nian bé su. Man be yo sran wunmuan kɛ min nin wɔ e ti sran wunmuan'n sa.

Mmla'n 28:58

Sɛ amu'an fa-man mmla bɔ be ti klɛwa fluwa nga nun'n i nun ndɛ mun, sɛ amu'an fa-man be amun sie-man'n, sɛ amun nian-man su b'a nanti-man'n, sɛ amun nyin a yi-man sran nga b'ɔ lɛ nyrun, b'ɔ yo sro'n, b'ɔ i dunman yɛlɛ Anannganman amun Nyanmiɛn'n,

Mmla'n 7:21

Nán srɛ kun amun bé wun, afin Anannganman amun Nyanmiɛn'n nin amun o nun. Ɔ ti Nyanmiɛn kun b'ɔ ti dan yɛ ɔ yo sro.

Zozie 24:19

Zozie tɛli be su kɛ: «Amun su kwla-man Anannganman su yɛlɛ kɛ ɔ ti Nyanmiɛn kun bɔ i nzuɛn'n nin klɔ sran liɛ'n ti-man kun. Ɔ su kwla suan-man amun fɔnlɛ nin amun sa tɛ'm bé bo, yɛ ɔ su kplin-man su kɛ amun fa like uflɛ ukɛ i su.

Sa nglô yile 4:8

Like nnan sɔ'n be lɛ ndɛwa nsiɛn-nsiɛn, yɛ nyinma o be wunnɛn'n kwlaa su. Wia nun nin kɔnguɛ be to jue se kɛ: «I nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. Nyanmiɛn b'ɔ kwla like kwlaa yo'n, ɔ o lɛ, ɔ o lɛ lalaa, yɛ ɔ ´ka lɛ!» Be yaci-man jue sɔ'n i tolɛ mlɔnmlɔn .

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.