Jue Mun 99:1 - NYANMIƐN NDƐ'N 1998

¹ Anannganman ti famiɛn, ɔ man nvlefuɛ'm be usu. Ɔ ti anz'm bé ti su nglo, ɔ man asiɛ'n keje.

Jue Mun 99:1 ပူးပေါင်းရင်းမြစ်များ

2 Samiɛl 6:2

David nin sran sɔ'm be ɔli Baale-Zida , Nyanmiɛn i alaka'n i falɛ. Alaka sɔ'n dunman ng'ɔ o su'n yɛlɛ Anannganman b'ɔ sie mɛn wunmuan'n i dunman'n. Anz nga be o alaka'n su'n, Anannganman o be afiɛn lɛ.

1 Be Nyoliɛ 16:30

Asiɛ'n sufuɛ mun kwlaa, kɛ amun wo i nyrun lɛ'n, amun `usu. Asiɛ'n ti takawa kpa, ɔ su keje-man le.

Jue Mun 18:10

Ɔ kannin nyanmiɛn su lɔ'n i ase, yɛ ɔ jrali, ɔ nantili nyanmiɛn ble kpikplikpi kpa kun su.

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Jue Mun 80:2

Wɔ bɔ a ti Izraɛlfuɛ'm be sunianfuɛ, sie ɔ su. Wɔ bɔ a tinngɛ Zozɛf osu'n nunfuɛ mun kɛ bua kankanfuɛ'n ɔ fa kankan i bua mun sa'n, wɔ bɔ ɔ famiɛn bia'n wo anz'm bé ti su nglo'n, yi ɔ́ wun nglo.

Jue Mun 82:5

Be wun-man sa fi wlɛ, yɛ be wun-man sa'm bé bo, be nanti aosin nun dunmlan-dunmlan ngbɛn. Asiɛ'n i nunnunlɛ'n ɔ'a mantan koko.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Jue Mun 96:10

Amun `kan sin nvle-nvle'n kwlaa nun kɛ sielɛ'n ɔ ti Anannganman liɛ. Asiɛ'n kusu ti takawa kpa, ɔ su keje-man. Anannganman'n di nvlefuɛ'm be jɔlɛ kɛ ɔ fata'n sa .

Jue Mun 96:9

Kɛ ɔ yi i wun nglo nyannyan'n, amun `koto i bo. Asiɛ'n sufuɛ mun kwlaa, kɛ amun o i nyrun lɛ'n, amun `usu.

Jue Mun 97:1

Anannganman ti famiɛn, man asiɛ'n sufuɛ'm be kwlaa be si able. Man nvlefuɛ nga be tran jenvie'n nuan mmua-mmua lɔ'n be klun jɔ!

Jue Mun 97:4

Kɛ ɔ yo bɔ nyanmiɛn'n kpa sin'n, ɔ kpaja mɛn'n nun. Kɛ asiɛ'n sufuɛ'm be wun i'n, be usu tututu.

Ezipt Lɔ Tulɛ'n 25:22

Alaka'n i su tre'n i su lɛ yɛ e nin wɔ e wa yia-a, e ´yia anz nnyɔn'm be afiɛn'n nun lɛ. Lɛ yɛ n ´kan mín nuan su ndɛ n ´kle wɔ yɛ a ´kan kle Izraɛlfuɛ mun-ɔn.»

Ezai 19:14

Anannganman ɔ'a fa sannganlɛ wawɛ'n ɔ'a yi Eziptfuɛ'm be afiɛn, kɛ ɔ ´yo nan b'a wun-man sa nga be yo'n be wlɛ, nan b'a yo kɛ sran b'ɔ nɔn nzan bo kpɛkuun kɛ ɔ ´nanti'n ɔ bo nvaka'n, wuun ɔ ´fi'n sa.

Zeremi 4:24

N wun kɛ oka'm be lɛ kejelɛ, yɛ kpɔlɛ'm be bo nvaka.

Zeremi 49:21

Kɛ be ´tɔ sa kpun! Asiɛ'n ´keje. Be ´ti be tɔlɛ'n i nganniɛn'n ndɛma jenvie'n nuan lɔ.

Zeremi 5:22

Anannganman usa kɛ: ‹?M bɔbɔ'n yɛ amun nyin yi-man min nin-ɔn? ?Yɛ an usu-man min nyrun nin-ɔn? Min yɛ n fali aunnyan'n n jali jenvie'n i awɛ nin-ɔn. Ɔ ti i awɛ mlɔnmlɔn ɔ lɛ-man atin kpɛ-man. Kannzɛ ɔ ´keje sɛ nán kɛ ɔ ´kwla yo sa ti-ɔ. Kannzɛ ɔ ´bo sɛ, nán kɛ ɔ ´kwla kpɛ ti-ɔ,

Zeremi 50:46

Kɛ be boli ndolo kɛ: ‹Babilɔni ɔ'a tɔ oo!› Asiɛ'n lɛ kejelɛ. Be ti i nganniɛn'n nvle-nvle'm be nun.»

Ezekiɛl 43:7

Anannganman seli min kɛ: «Klɔ sran, wa yɛ n wa jin min famiɛn bia nin-ɔn, lika nga nun yɛ n ja'n ɔ wa tia-a. N ´tran nun lɛ adudua Izraɛlfuɛ'm be afiɛn. Izraɛlfuɛ mun nin be famiɛn'm be su saci-man min dunman fɛ'n ɔ nin be amuɛn tatrata sɔlɛ'n, nin be famiɛn'm be fuɛn nga be tru be amuɛn bo'm be nun'n kun.

JÉSUS-CHRIST I DYASIN FE'N BO LUC KLELI'N 19:12

Ɔ seli kɛ: «Wlengbi kun waan ɔ ´kɔ nvle wie nun mmua kpa nan be `fɛ i sie famiɛn nan ɔ'a ba.

JÉSUS-CHRIST I DYASIN FE'N BO LUC KLELI'N 19:14

Sanngɛ i nvlefuɛ'm be kpɔ i, yɛ be yili sran wie mun suli i su kɛ be `ko se kɛ be klo-man kɛ i yɛ ɔ `sie be-ɔ.

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »

Filipfuɛ Mun 2:12

I sɔ'n ti, min sran kpa mun, kɛ n wo amun wun lɔ bɔ amún nyin fa yi min titi'n, siɛn'n, kannzɛ n nun-man lɔ'n, man amún nyin yi min kpa tra laa'n. Kɛ ɔ ko yo nan amu'an nyan amún ti mlɔnmlɔn'n, an `mian amún nyin di junman kpa,

Sa nglô yile 11:17

«Anannganman Nyanmiɛn wɔ bɔ a kwla like kwlaa yo'n, bɔ a o lɛ'n, bɔ a o lɛ lalaa'n, kwla o! E la wɔ ase afin a yi ɔ kwlalɛ dan'n i nglo, yɛ a su di ɔ famiɛn'n.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 6:14

Nyanmiɛn b'ɔ la nglo lɔ plaii'n ɔ nyɔnnyɔnnin kɛ fluwa bɔ be nyɔnnyɔn i'n sa, yɛ oka nin asiɛ nga nzue sin yia be'n be jaoli be osu'n nun lɛ.