Jue Mun 96:2 - NYANMIƐN NDƐ'N 1998

² Amun `to jue be manman Anannganman Amun `lɛ i ase. Ɔ ti defuɛ, amun `kɛn i jasin fɛ'n cɛn kwlaa.

Jue Mun 96:2 ပူးပေါင်းရင်းမြစ်များ

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

Jue Mun 103:20

Anz mun, amun bɔ an kplin amún nyin be yo i nuan ndɛ'n i su sa'n, bɔ amún fɛ i aniɛn'n su'n, amun `la Anannganman i ase.

Jue Mun 145:1

Nyanmiɛn i manmanlɛ jue nga ɔ o David i jue fluwa'n nun. I waan: Min Nyanmiɛn, min famiɛn, n ´yi wɔ ayɛ. N ´yaci-man wɔ ase lalɛ le nan kɛ ɔ yo-ɔ ɔ'a yo.

Jue Mun 145:10

Anannganman, sɛ n ´kwla se'n, ɔ ninnge bɔ a yili be'n, be ngba be ´manman wɔ. Ɔ sufuɛ nanwlɛfuɛ'm be ´la wɔ ase.

Jue Mun 145:2

N ´la wɔ ase cɛn kwlakwla. N su yaci-man ɔ dunman kpa bolɛ le nan kɛ ɔ yo-ɔ ɔ'a yo.

Jue Mun 40:10

Anannganman, a de sran. M bo jasin fɛ sɔ'n anyia dan'n nun. M muan-man min nuan. Ɔ bɔbɔ a si sɔ.

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

Sa nga bé yôli'n 13:26

Nja mun, amun bɔ an ti Abraam anunman'n, bɔ amun su Nyanmiɛn'n, e nin amun e yɛ be fali delɛ ndɛ nga blɛli ye-ɔ.

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

Sa nglô yile 5:13

Yɛ like bɔ Nyanmiɛn yili be'n, be nga be o nyanmiɛn su lɔ o, be nga be o asiɛ'n su wa o, be nga be o asiɛ'n bo lɔ o, be nga be o jenvie'n nun o, n tili be kwlaa be ngan, be se kɛ: «Man e manman sran ng'ɔ ti bia su'n nin Bua Gbanflɛn'n, e `yi be ayɛ, e `yɛyɛ be, yɛ e `se kɛ be ti kpli tititi .»