Jue Mun 92:9 - NYANMIƐN NDƐ'N 1998

⁹ Sanngɛ wɔ liɛ'n, Anannganman kɛ a o nglo lɔ'n yɛ a wo-ɔ.

Jue Mun 92:9 ပူးပေါင်းရင်းမြစ်များ

Jue Mun 1:4

Klunwifuɛ'm be liɛ'n, ɔ ti-man sɔ mlɔnmlɔn. Be ti kɛ ijre bɔ aunngban'n fitɛ i kɔ'n sa.

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Jue Mun 102:25

I osu ti n seli kɛ: «Min Nyanmiɛn, wɔ bɔ nán ndɛ sa yɛ a o lɛ'n, nán yo man n wu min gbanflɛn nun.»

Jue Mun 37:20

Klunwifuɛ'm be ´wu. Be bɔ be klo-man Anannganman sa'n, be wa nunnun kɛ ijre nyrɛ sa. Be ´nunnun. Be ´nunnun kɛ sin wɛnsrɛn sa.

Jue Mun 59:11

Min Nyanmiɛn bɔ i klun ti ufue'n, ɔ ´wunnge min wun wa. Ɔ wa yo man kɛ min kpɔfuɛ'm be ´tɔ'n, n ´wun nun.

Jue Mun 68:30

A o ɔ sua'n nun lɔ yɛ a sie Zerizalɛm nin-ɔn. Famiɛn'm be ´fa be lapo mun be blɛ wɔ.

Jue Mun 73:27

Be nga be jaso ɔ wun lɛ be kɔ mmua'n, san be ´tɔ. Yɛ be nga be kaci be sin si wɔ'n, a yi be sran nun mlɔnmlɔnmlɔn.

Jue Mun 89:10

Kɛ jenvie'n jaso'n, ɔ waan ɔ su nyinmɛn-nyinmɛn i wun sa, wɔ yɛ a kɛn i ase-ɔ. Kɛ ɔ ´bo'n b'ɔ ko jaso kendengleiin, wɔ yɛ man ɔ guɛ i wun sa ase-ɔ.

Jue Mun 97:9

Afin wɔ Anannganman, like fi nun-man ɔ sin asiɛ'n su wa. Ɔ dan tra amuɛn mun fatifatifati.

Ezai 17:13

Sran kaka sɔ'n be nganniɛn'n ɔ klu kɛ nzue dan wie yɛ ɔ su bo sa. Anannganman wlanwlan be, yɛ be wanndi kɔ mmua. Be kɔ kɛ oka'm be su lɔ ijre'n bɔ aunngban'n ɔ fita be kɔ'n sa. Be kɔ kɛ ndutre bɔ seke'n ɔ fa kɔ'n sa.

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Kalɛ 10:35

Kɛ be ´fa alaka'n be ´kɔ'n, Moiz seli kɛ: «Anannganman, jaso kɛ ɔ ´yo nan ɔ kpɔfuɛ'm b'a bo b'a sanndi'n ti. Man be kwlaa nga be kpɔ wɔ'n be wanndi ɔ nyrun .»

Matthieu 7:23

Yɛ n ´se be kɛ: ‹Amun bɔ an saci mmla'n, an `fa jao min wun lɛ. N si-man amun mlɔnmlɔn .› »

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Jɔlɛ Difuɛ Mun 5:31

Anannganman, man ɔ kpɔfuɛ'm be wu sa tititi! Sanngɛ man be nga be klo wɔ'n be yo kɛ wia bɔ ɔ'a man su b'ɔ su bo kpa'n sa.» Kɛ ɔ yoli sɔ'n, lika'n tɔli bliin afuɛ ablanan.