Jue Mun 92:3 - NYANMIƐN NDƐ'N 1998

³ Kɛ aliɛ'n ɔ ´cɛn cɛ bɔ be ´kan ɔ klun-ufue'n i ndɛ'n, yɛ kɔnguɛ bɔ be ´kan ɔ nanwlɛ bɔ a di i titi'n i ndɛ'n

Jue Mun 92:3 ပူးပေါင်းရင်းမြစ်များ

1 Be Nyoliɛ 13:8

Kɛ be ´kɔ'n, wuun David nin Izraɛlfuɛ'm be kwlaa be ´bo jru mun, nin aluku mun, nin klɛn mun, nin aaba ndɛ mun, ɔ nin awɛ mun. Be fa be wunmiɛn'n kwlaa yɛ be yo-ɔ. Be ´yo'n, wuun be to jue.

1 Be Nyoliɛ 15:16

David seli Levifuɛ'm be kpɛnngbɛn'm be kɛ be siesie be niaan jue tofuɛ'm be sɛsɛsɛ. I waan be kan kle be kɛ be fa be ngowa kanlɛ ninnge mun. Ɔ seli be kɛ be bo be jru mun, nin be aluku mun, ɔ nin be aaba ndɛ mun. I waan be bo i kekle kpa be fa yi be aklunjuɛ'n i nglo.

1 Be Nyoliɛ 23:30

Nglɛmun kwlaa nin nnɔsua kwlaa be ba be wa to jue manman Anannganman, ɔ ti mmla.

1 Be Nyoliɛ 25:6

Sran sɔ'm be kwlaa'n, be si mun yɛ be jran be nyrun to jue Anannganman i sua'n nun-ɔn. Be lɛ aaba ndɛ mun, nin aluku mun, nin jru mun yɛ be fa su Nyanmiɛn i sua'n nun-ɔn. Famiɛn'n yɛ ɔ nian Azaf, nin Zɛditɛn, nin Eman be su-ɔ.

2 Be Nyoliɛ 20:28

Kɛ be ´ba'n, wuun be ´bo jru, nin aluku, ɔ nin awɛ mun. Kɛ be juli Zerizalɛm'n, be ɔli Anannganman i sua'n nun lɔ.

2 Be Nyoliɛ 23:5

man akpasua nnyɔn su'n i nunfuɛ'm be nian famiɛn'n i awlo'n su, yɛ man akpasua nsan su'n i nunfuɛ'm be nian Zɛzɔd anuan'n su. Man sran kun nga'm be kwlaa be ka Nyanmiɛn i sua'n i awlo klun'm be nun.

2 Be Nyoliɛ 29:25

Famiɛn'n man Levifuɛ'm be ɔli Anannganman i sua'n nun lɔ. Aaba ndɛ, nin sanngo, ɔ nin jru o bé sa nun kɛ David, nin Gad b'ɔ ti famiɛn'n i jeliwafuɛ'n, ɔ nin Natan b'ɔ ti Nyanmiɛn nuan ijɔfuɛ'n be kannin'n sa, afin Anannganman yɛ man i nuan ijɔfuɛ'm be sieli i sɔ-ɔ.

Neemi 12:27

Kɛ be ´yi Zerizalɛm talɛ'n i nglo'n, be ko yiali Levifuɛ'm be lika nga be tran nun'n i kwlaa nun kɛ be bla Zerizalɛm be wa di cɛn'n wie. Be flɛ be kɛ be wa to jue, be bo aaba ndɛ nin jru, nin aluku be manman Nyanmiɛn.

Jue Mun 149:3

Man be si able nan be bo flɛ i. Man be bo klɛn nin jru yɛ be to jue be mɛnmɛn i.

Jue Mun 33:2

Amun `bo jru be fa manman Anannganman. Amun `bo sanngo b'ɔ lɛ nyanman blu'n be manman Anannganman .

Jue Mun 42:9

Anannganman yo min ye wia nun. Kɔnguɛ'n, n to jue m mɛnmɛn i yɛ n srɛ i afin ɔ man min nguan.

Jue Mun 57:8

Ee Nyanmiɛn, mín wla ɔ'a gua ase o, min wla ɔ'a gua ase. N ´to jue, n ´to jue m manman wɔ.

Jue Mun 68:25

Ee Nyanmiɛn, wɔ bɔ a ti min Nyanmiɛn'n, wɔ bɔ a ti min famiɛn'n, be wunnin kɛ ɔ sran'm be suli wɔ su woo be ɔli ɔ́ sua saun'n nun lɔ.

Jue Mun 9:16

Nvle-nvle nga be nun sran'm be si-man wɔ'n, b'a tɔ kunman nga be bɔbɔ be kpɛli'n nun. Aya nga be fia be suali'n, ɔ'a yaci ɔ'a tra be bɔbɔ.

1 Samiɛl 10:5

Kpɛkuun kɔ Gibea-Elɔim kan Filisti siefuɛ'm be o lɔ'n. Kɛ a ju klɔ'n i wun lɛ'n, a nin Nyanmiɛn nuan ijɔfuɛ akpasua kun bɔ be fin Nyanmiɛn sɔwlɛ lɔ ´jra ba'n be ´yia. Jru bofuɛ mun, nin klɛn bofuɛ mun, nin blo bofuɛ mun, ɔ nin aluku bofuɛ'm be dun mmua be nyrun. Kɛ Nyanmiɛn nuan ijɔfuɛ'm be ´ba'n, wuun be ´kan Nyanmiɛn nuan ndɛ'n.