Jue Mun 92:2 - NYANMIƐN NDƐ'N 1998

² Anannganman, sɛ be manman wɔ-ɔ, ɔ nin i fata! Ee, wɔ bɔ like fi nun-man ɔ sin'n, sɛ be to jue be bo flɛ wɔ-ɔ, i su-ɔ!

Jue Mun 92:2 ပူးပေါင်းရင်းမြစ်များ

1 Be Nyoliɛ 25:1

David nin be nga be nian Nyanmiɛn sulɛ'n su'n be sieli Azaf osu'n nunfuɛ mun, nin Eman osu'n nunfuɛ mun, ɔ nin Zɛditɛn osu'n nunfuɛ'm be ngunmin. Be nga be sieli be sɔ'n, be fa Nyanmiɛn nuan ndɛ'n be kpɛ jue. Kɛ be ´to'n, wuun be ´bo jru, nin aluku, ɔ nin aaba ndɛ mun. Be nga be fa junman sɔ'n wlali bé sa nun'n mun yɛ:

Zɔb I Nyrɛnnɛn Wunlɛ 35:10

Sanngɛ be nun ba kun sa usa-man kɛ: «?Nyanmiɛn b'ɔ yili min'n ɔ o nin? I yɛ ɔ fa jue tolɛ wla é nuan kɔnguɛ-ɔ.

Jue Mun 101:1

Jue nga ti David liɛ. I waan: Jue nga n wa to'n ti klun-ufue'n nin sa nuan su yolɛ'n bé wun jue. Wɔ Anannganman, wɔ yɛ n ´to m ´manman wɔ-ɔ.

Jue Mun 145:2

N ´la wɔ ase cɛn kwlakwla. N su yaci-man ɔ dunman kpa bolɛ le nan kɛ ɔ yo-ɔ ɔ'a yo.

Jue Mun 147:1

An `manman Anannganman! Sɛ e bo e flɛ e Nyanmiɛn'n, ɔ ti kpa. Ɔ yo fɛ, i yowlɛ su-ɔ.

Jue Mun 42:8

Wɔ man nzue'n ɔ bo, kpɛkuun ɔ bo ekun flan nun. Nzue ng'ɔ ´bo lɛ'n, i kwlakwla'n sin min su kpan! Ɔ kata min su kplu!

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Jue Mun 77:2

M ´man min nɛn'n su nan ɔ ´to Nyanmiɛn'n lɔ. M ´man min aniɛn'n su nan ɔ to Nyanmiɛn'n lɔ nan ɔ sie i su.

Jue Mun 9:3

Wɔ ti n klun jɔ, wɔ ti min wun kpaja min. Nyanmiɛn, wɔ bɔ like fi nun-man wɔ sin'n, m ´bo flɛ wɔ.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Sa nga bé yôli'n 16:25

Kɔnguɛ afiɛn Pɔl nin Silas be nin Nyanmiɛn be kokoli yalɛ, be toli Nyanmiɛn manmanlɛ jue, bisuafuɛ'n kun'm be tili.