Jue Mun 9:8 - NYANMIƐN NDƐ'N 1998

⁸ Anannganman i sielɛ'n ɔ lɛ-man awieliɛ. Jɔlɛ dilɛ'n i dunman nun ti ɔ'a taka i famiɛn bia'n .

Jue Mun 9:8 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Jue Mun 10:16

Anannganman ti famiɛn tititi. Nvle-nvlefuɛ nga be su-mɛn i'n, ɔ nunnun be i asiɛ liɛ'n su.

Jue Mun 29:10

Kɛ anannganman su nzue dan'n ´tɔ'n, Nyanmiɛn yɛ ɔ mɛnnin i atin-ɔn. Ɔ ti famiɛn tititi.

Jue Mun 50:6

Kpɛkuun nyanmiɛn su lɔfuɛ'm be wa kpan be ´se kɛ: «Nyanmiɛn'n di nanwlɛ, i yɛ ɔ ti jɔlɛ difuɛ nin-ɔn.»

Jue Mun 94:15

Kannzɛ ɔ yo sɛ san sran nga ɔ'a yo-man sa'n i yɛ i ndɛ'n ɔ ´yo fɛ-ɔ, yɛ be kwlaa nga be anwlɛn'n ti sɛsɛ'n be ´jrɛn i sin.

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Jue Mun 99:4

Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Ezipt Lɔ Tulɛ'n 15:18

Anannganman, ɔ liɛ'n, a ti famiɛn titi.»

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Rɔmfuɛ Mun 2:16

Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .