Jue Mun 85:9 - NYANMIƐN NDƐ'N 1998

⁹ Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Jue Mun 85:9 ပူးပေါင်းရင်းမြစ်များ

Jue Mun 119:155

Be bɔ be bu-man wɔ like fi'n, bɔ be bu-man ɔ ndɛ'n kusu i like fi'n, be su nyan-man bé ti le, afin sa nga a fa kle be'n, be kunndɛ-man be.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Ezai 4:5

kpɛkuun ɔ ´yo nyanmiɛn ble nin wɛnsrɛn, be ´jran Siɔn oka wunmuan'n nin i sran bɔ b'a yia'm bé ti su nglo lɛ wia'n nun. Kɔnguɛ'n, ɔ ´yo sin b'ɔ jue kpa'n, ɔ ´kpaja be su. Afin Anannganman i nyrun nyannyan'n, ɔ kata be kwlaa be su,

Ezai 46:13

N su wa di nanwlɛ'n, n su cɛ-man kun. Sran'm bɔ min waan n `de be'n, bé ti nyanlɛ blɛ'n ɔ'a mantan. N ´de Siɔnfuɛ mun, yɛ n ´yo man Izraɛlfuɛ'm be ´nyan nyrun.

Zeremi 23:35

Nga an ´usa amun wiengu'n yɛlɛ kɛ: ‹?Anannganman'n tɛli su seli sɛ? ?Annzɛ Anannganman'n kannin nguɛ ndɛ?›

Zeremi 23:37

Nga an `usa Nyanmiɛn nuan ijɔfuɛ'n yɛlɛ kɛ: ‹?Anannganman'n tɛli su seli sɛ? ?Anannganman'n seli sɛ?›

Zeremi 29:11

Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.

Ezekiɛl 26:20

N ´fa wɔ n kɔ blɔlɔ lɔ a to be nga be wuli'n be lɔ. A wa ka mɛn ng'ɔ wo asiɛ'n i bo lɔ'n nun kɛ lalafuɛ klɔ nga be sacili'n sa, a wa to be nga be dun mmua be wuli ɔ nyrun'm be lɔ. A su kwla fite-man gua su wa kun. A su tran-man asiɛ nga sran'm be tran su wa'n su wie kun.

Ezekiɛl 3:10

Ɔ kɛnnin ekun kɛ: «Ezekiɛl, fa ndɛ nga n ´kɛn i yɛ'n sie ɔ klun, fa ɔ́ su sie ndɛ'n nga n wa kɛn i yɛ'n kwlaa i bo.

Abakik 2:1

Sa ng'ɔ yo-man min fɛ bɔ n fa usali Anannganman'n ti, n ´ko tran klɔ'n i wun talɛ'n su kɛ be nga be sasa klɔ'n be fa yo'n sa, nan n ti ndɛ ng'ɔ ´kan kle min'n, nan n kusu n ´wun nga n ´fa tɛ i su'n.

Zakari 2:5

Kɛ n ´to mín nyin-ɔn m'an wun like kun ekun. N ´nian-an, sran kun yɛ ɔ o yɛ, i sa nun lika sunnzunlɛ nyanman.

Zakari 2:8

Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Sa nga bé yôli'n 13:16

Yɛ Pɔl jaoli-ɔ, ɔ mɛnnin i sa'n su yɛ ɔ seli kɛ: «Izraɛlfuɛ mun nin amun bɔ an su Nyanmiɛn'n an `tie!

1 Samiɛl 3:9

Yɛ ɔ seli i kɛ: «Kɔ ko la. Sɛ be flɛ wɔ ekun'n, se kɛ: ‹Anannganman, sɛ ɔ wan a ´kan ndɛ-ɔ, kan, n ti ɔ sufuɛ'n, n su o ɔ́ nuan'n bo.› » Yɛ Samiɛl ɔli ko lali ekun-ɔn.