Jue Mun 85:3 - NYANMIƐN NDƐ'N 1998

³ A sikeli ɔ sran'm bé ti su sa tɛ trɔ'n jinnin. A yacili bé wun sa'n cɛli be.

Jue Mun 85:3 ပူးပေါင်းရင်းမြစ်များ

2 Be Nyoliɛ 6:39

kɛ a o ɔ tranwlɛ'n nun nyanmiɛn su lɔ'n, tie be aunnvuɛ srɛlɛ'n, yɛ yo ng'ɔ nin be fata'n man be. Ɔ nvle'n nunfuɛ bɔ be fɔnnin ɔ́ wun'n, yaci bé wun sa'n cɛ be.

Jue Mun 106:23

I osu ti'n i waan wuun ɔ ´nunnun be, nan san Moiz b'ɔ ti i sufuɛ'n yɛ ɔ ´yaci i lɛ-ɔ. Moiz jrannin ndɛ sɔ'n nun, ɔ seli i kɛ ɔ `guɛ i ya'n i ase nan nán man ɔ nunnun be.

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Ezipt Lɔ Tulɛ'n 32:22

Aarɔn tɛli i su kɛ: «Yaci, nán fa ya. Ɔ bɔbɔ a si kɛ sran nga be o yɛ mun, be sa tɛ yolɛ fin'an wa ju'a wa.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 40:1

Amun Nyanmiɛn'n i waan: «Amun `fɔnvɔ min nvle'n nunfuɛ mun, amun `fɔnvɔ be.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 6:7

Ɔ fa kannin mín nuan'n yɛ ɔ seli kɛ: «Nga ɔ'a kan ɔ́ nuan bui mun, ɔ́ sa tɛ'n ɔ'a wie, b'a yaci ɔ fɔnlɛ mun b'a cɛ wɔ.»

Zeremi 50:20

I blɛ sɔ nun'n, be ´kunndɛ sa tɛ nga Izraɛl yoli'n lele ngbɛn. Be su wun-mɛn i le. Sa tɛ nga Zida yoli'n, be ´kunndɛ lele ngbɛn. Be su wun-man kan ɔ sinnin-ɔn. Afin be bɔ n yacili be lɛ'n, n ´yaci bé wun sa n ´cɛ be .

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Zonas 3:9

E si-man sɛ Anannganman'n gua i ya'n i ase o! Sɛ wienun-ɔn ɔ ´kaci aniɛn nan ɔ su nunnun-man ye o .»

Mise 7:19

A ´si ye aunnvuɛ ekun, a su bu-man é sa tɛ'm be akunndan, a ´to é sa tɛ mun a ´guɛ i jenvie'n nun .

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 32:43

Nvle-nvle mun, amun `bo ndɛ man Anannganman i nvle'n. Anannganman su tu i sufuɛ nga be kunnin be'n bé klunngbɔ'n. Ɔ su tu i kpɔfuɛ'm be fɔ. Ɔ'a yaci i mɛn'n i nunfuɛ'm bé wun sa'n ɔ'a cɛ be.»