Jue Mun 82:5 - NYANMIƐN NDƐ'N 1998

⁵ Be wun-man sa fi wlɛ, yɛ be wun-man sa'm bé bo, be nanti aosin nun dunmlan-dunmlan ngbɛn. Asiɛ'n i nunnunlɛ'n ɔ'a mantan koko.

Jue Mun 82:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 8:9

Afin be flɛ kɛ anunman yɛ be wuli ye-ɔ, e si-man sa. E sran mun e nguan'n ɔ sin ndɛndɛ kɛ fɔnvɔ sa.

Jue Mun 11:3

?Kɛ sran'm be nzuɛn kpakpa'n ko saci'n, nguɛ cɛ yɛ be kwla yo i ekun-ɔn?

Jue Mun 14:4

Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Jue Mun 53:4

Be kwlakwla b'a mlin, be kwlakwla b'a saci. Be nun kun sa yo-man sa kpa, be wie fi yo-man sa kpa bɔ kun .

Jue Mun 75:3

Nyanmiɛn waan: «Kɛ jɔlɛ dilɛ blɛ nga n kleli'n ko ju'n, m ´bu ndɛ nanwlɛ nun.

Jue Mun 99:1

Anannganman ti famiɛn, ɔ man nvlefuɛ'm be usu. Ɔ ti anz'm bé ti su nglo, ɔ man asiɛ'n keje.

Nyanndra Mun 1:29

Sa ti bɔ amun su wun-man min'n yɛlɛ ngwlɛlɛ bɔ amu'an klo-mɛn i'n, yɛlɛ amún nyin bɔ ɔ'a yi-man Anannganman'n.

Nyanndra Mun 2:13

Be bɔ be yaci atin kpa'n lɛ be ko fa atin sukusuku'n, a nin be su san-man nun.

Nyanndra Mun 4:19

Klunwifuɛ'm be atin liɛ'n, aosin'n dun su tritritri. Like ng'ɔ ko yi be ase'n be wun-mɛn i.

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 3:16

N wunnin i wlɛ nyanmiɛn'n bo wa ekun kɛ kan be di jɔlɛ lɛ'n, klunwi o lɛ, yɛ be di ndɛ kwlɛ lɛ.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Ezai 59:9

I sɔ'n ti yɛ Nyanmiɛn ɔ sisi i bo b'ɔ nian-man e lika nin-ɔn. I sɔ'n ti yɛ ɔ de-man ye nin-ɔn. E kunndɛ kɛ lika b'ɔ kpaja weiin ɔ bla, sanngɛ aosin'n yɛ ɔ ba-a. E kunndɛ kɛ aliɛ'n ɔ cɛn, sanngɛ lika tuun'n nun yɛ e nanti-ɔ.

Mise 3:1

Zakɔb anunman'm bé su kpɛnngbɛn mun, Izraɛl nvle'n nun jɔlɛ difuɛ mun, an `sie amún su man n kan ndɛ n `kle amun. ?Nán amun yɛ ɔ fata bɔ an si mmla nin-ɔn?

Jean 12:35

Jésus seli be kɛ: «Lika'n tɛ kpaja amún wun wa kan. Kɛ an tɛ wun ase'n, an `nanti nan lika'n ɔ'a dun-man amun. Sran ng'ɔ nanti aosin nun'n, ɔ wun-mɛn i bo.

Jean 3:19

An `nian sa ti yɛ ɔ bu be fɔ sɔ'n yɛ: i b'ɔ ti kɛ wia sa'n, ɔ bali mɛn'n nun, sanngɛ sran'm be kloli aosin'n trali wia'n be nzuɛn tɛtɛ'n ti .

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

1 Jean 2:11

Sanngɛ sran ng'ɔ kpɔ i niaan'n, ɔ o aosin'n nun, ɔ man kɛ ɔ ´nanti'n, ɔ si-man lika ng'ɔ kɔ'n, afin ɔ ti kɛ anyansifuɛ sa.