Jue Mun 82:2 - NYANMIƐN NDƐ'N 1998

² «?Cɛn onin ko yɛ amun ´yaci sran'm be ndɛ kwlɛ dilɛ-ɔ? ?Cɛn onin ko yɛ amun ´yaci be nga be fɔn'n be ndɛ fɛ manlɛ-ɔ?

Jue Mun 82:2 ပူးပေါင်းရင်းမြစ်များ

1 Famiɛn Mun 18:21

Eli jrannin nzrafuɛ'm be nyrun, ɔ seli kɛ: «?Nan kɛ amun ´fa atin nnyɔn su tititi sa? Sɛ Anannganman yɛ ɔ ti Nyanmiɛn'n, amun `su i e! Sɛ kusu Baal yɛ ɔ ti Nyanmiɛn'n, amun `su i e!» Nzrafuɛ'm b'a tɛ-mɛn i su.

2 Be Nyoliɛ 19:7

I sɔ'n ti, amun nyin `yi Anannganman kpa. Like nga amun yo i sa'n, amun `nian su kpa. Yɛlɛ kɛ Anannganman e Nyanmiɛn'n klo-man gblɛgblɛ sa mun nin sran nun kpalɛ'n, ɔ nin adi ninnge nga be fa kaci sran akunndan'n.»

Zɔb I Nyrɛnnɛn Wunlɛ 32:21

Nán sran sin yɛ n ´jran-an. N su laka-man sran fi.

Zɔb I Nyrɛnnɛn Wunlɛ 34:19

I liɛ'n, ɔ sa-man famiɛn i awlo lɔ sran dandan'm be nyan. Ɔ bu-man sikafuɛ'm be sran tra-man yalɛfuɛ mun. Afin i yɛ ɔ yili be kwlakwla-a.

Jue Mun 62:3

Nanwlɛ, i kunngba yɛ ɔ ti kɛ min yɛbuɛ sa yɛ n talo i-ɔ. I yɛ man n nyan min ti-ɔ. Ɔ ti min fiawlɛ sua, ɔ man srɛ kun-man min yɛ min wun usu-usu-man min bɔ kaan sa.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Ezekiɛl 45:9

Anannganman Nyanmiɛn wan yoo: «Izraɛl wlengbi mun, amu'an yo wie ngboko! Amun `yaci sa ukpo-ukpo yolɛ'n nin sran'm bé bo ninnge'm be fɛnlɛ'n, amun `yo sa b'ɔ ti seiin nin ng'ɔ ti i nuan su'n. Amun `yaci min sran'm bé bo ninnge'm be delɛ.» Anannganman Nyanmiɛn'n yɛ ɔ kan sɔ-ɔ.

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Matthieu 17:17

Yɛ Jésus seli kɛ: «?Amun ajulisufuɛ nyin keklefuɛ bɔ an lafi-man sa su'n, min nin amun ´tran lele cɛn onin? ?N ´tra min anwlɛn amún wun lele cɛn onin? An `fɛ i blɛ min.»

Galasifuɛ Mun 2:6

Be nga be ti be nun kpakpa'n, sɛ be ti sɛ be ti sɛ laa o, nán min ndɛ-ɔ, afin Nyanmiɛn liɛ'n ɔ nian-man sran nyrun yɛ ɔ yo i sa liɛ nin-ɔn. Be kpakpa sɔ'm be liɛ'n, b'a se-man n kɛ n yo like uflɛ fi .

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.