Jue Mun 81:9 - NYANMIƐN NDƐ'N 1998

⁹ Min sran mun, amun `sie amun su, n ´fa sa kun n ´sie amun nyrun. Ɔo, Izraɛlfuɛ mun, amun waan amun ti-man min aniɛn'n!

Jue Mun 81:9 ပူးပေါင်းရင်းမြစ်များ

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

Jue Mun 44:20

Sanngɛ kpɛkuun a tia e su, yɛ a su e bo ko yi e blo nsoso'm be lika'n nun, wɔ man aosin'n dun ye su tritritri.

Jue Mun 50:7

Min sran mun, min bɔ n ti Nyanmiɛn'n, min bɔ n ti amun Nyanmiɛn'n, amun `sie amún su man n kan ndɛ n kle amun. Izraɛlfuɛ mun, amún wun ndɛ ng'ɔ o min klun'n, n wa kan kle amun.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezai 28:23

Amun `sie amún su, amun `ti min aniɛn'n! Amun `sie amún su kpa, amun `ti min ndɛ'n!

Ezai 43:12

Min yɛ n kannin sran'm be delɛ'n i ndɛ nin-ɔn, min yɛ n de be-ɔ, min yɛ n dun mmua m boli su laa-a. Amuɛn'm bɔ be o amún sa nun'n, bɔ amun ko tuli be mɛn uflɛ nun'n, nán be nun wie-ɔ. Amun ti min lalofuɛ, amun si kɛ min yɛ n ti Nyanmiɛn nin-ɔn. Min Anannganman yɛ n kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:1

Anannganman nin i mɛn'n nunfuɛ'm be lɛ ndɛ. Izraɛlfuɛ mun, an `tie ndɛ ng'ɔ kan'n: «Be wun-man sran nanwlɛfuɛ nin aklunyefuɛ kun. Min bɔ n ti Nyanmiɛn'n be bua-man min ndɛ nun mɛn nga nun kun.

Malasi 2:11

Zidafuɛ'm be fɔnnin Nyanmiɛn wun, be yoli sa tɛtɛ Izraɛl mɛn wunmuan'n nun, be yoli sa tɛtɛ Zerizalɛm lɔ. Yɛlɛ kɛ be yoli Anannganman i anwlɛn su like'n i finfin. Be jali nvle nun bla nga be sɔ amuɛn mun .

Mmla'n 32:12

Anannganman kunngba yɛ ɔ dunnin mmua i nyrun-ɔn, amuɛn fi ɔ'a ukɛ-mɛn i.

Mmla'n 6:14

Nán amun koto like wie fi bo, nán amun fa nvle nga be mantan amun'n be amuɛn mun.