Jue Mun 81:8 - NYANMIƐN NDƐ'N 1998

⁸ I nun bɔ a o nyrɛnnɛn nun'n, a kpan flɛli min yɛ n wa deli wɔ. N jrannin nyanmiɛn b'ɔ ´kpla'n nun n tɛli wɔ su. Mɛriba nzue ti'n su lɔ'n, n sali wɔ niannin .

Jue Mun 81:8 ပူးပေါင်းရင်းမြစ်များ

Jue Mun 50:7

Min sran mun, min bɔ n ti Nyanmiɛn'n, min bɔ n ti amun Nyanmiɛn'n, amun `sie amún su man n kan ndɛ n kle amun. Izraɛlfuɛ mun, amún wun ndɛ ng'ɔ o min klun'n, n wa kan kle amun.

Jue Mun 81:13

Yɛ n yacili be bé nyin kekle tantrantan sɔ'n nun. Ɔ man be fali be bɔbɔ be akunndan'n be nantili !

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 17:7

Be tɔnnin lika sɔ'n i dunman kɛ: Masa nin Mɛriba, i bo'n yɛlɛ Sa Nianlɛ nin Utre, afin Izraɛlfuɛ'm be kunndɛli Moiz i utre, kpɛkuun be sali Anannganman be niannin, be usali kɛ: «?Anannganman o e afiɛn annzɛ ɔ nun-man e afiɛn?»

Ezipt Lɔ Tulɛ'n 19:16

Cɛn ba nsan su'n, i nglɛmun nun'n, be tili kɛ nyanmiɛn su kpan kplannan kplannan oka'n su lɔ. Be wunnin kɛ nyanmiɛn'n kpa sin piapiapia lɔ, yɛ be wunnin sin wɛnsrɛn kpikplikpi kun lɔ ekun. Be tili awɛ kun tɛlɛ kekle kpa. Kɛ Izraɛlfuɛ'm be o ngblaliɛ'n nun lɔ'n, be usuli kpa'n sa tututu.

Ezai 1:19

Sɛ amun sie amun su amun tie ndɛ nga n kan n kle amun'n, amun ´di mɛn nga nun ninnge kpakpa mun.

Kalɛ 20:13

Mɛriba nzue'n i bo'n yɛlɛ Utre, afin i blɛ sɔ'n nun yɛ Izraɛlfuɛ'm be kunndɛli Anannganman i utre, yɛ ɔ kleli be kɛ i nzuɛn nin klɔ sran liɛ'n ti-man kun nin-ɔn.

Jean 3:11

Nanwlɛ, sa nga e si i'n nin nga e wunnin i'n, yɛ e kɛn i ndɛ kle amun-ɔn, sanngɛ an fa-man e ndɛ'n su.

Sa nga bé yôli'n 20:21

N kan kleli Zuif mun nin Grɛk'm be kɛ be yaci nyin kekle yolɛ'n Nyanmiɛn su nan bé nyin yi i yɛ be lafi e Min Jésus su.

Mmla'n 32:46

ɔ seli be kɛ: «Ndɛ nga m'an kɛn i ndɛ yɛ'n, man ɔ yo amun cinnjin. Amun `kan kle amun osu nunfuɛ mun. Man be nian mmla nga su be nanti.

Mmla'n 5:27

Nan i ti'n, wunnge Anannganman e Nyanmiɛn'n i wun lɔ, tie ndɛ ng'ɔ ´kan'n, nan i kwlaa ng'ɔ kan kle wɔ'n, kan kle ye. Sɛ e ti'n, e ´fa su.»

1 Jean 5:9

Sɛ e fa ndɛ nga sran'm be wun nun bɔ be kan'n su'n, Nyanmiɛn liɛ ng'ɔ kan'n i nanwlɛ'n tra be liɛ'n, afin ndɛ nga Nyanmiɛn kan'n yɛlɛ i Wa'n i ndɛ'n.