Jue Mun 81:3 - NYANMIƐN NDƐ'N 1998

³ Amun `man jue su, amun `bo klɛn mma mun, amun `bo jru mun nin sanngo mun.

Jue Mun 81:3 ပူးပေါင်းရင်းမြစ်များ

2 Famiɛn Mun 4:23

Bian'n usɛli i kɛ: «?Nguɛ sa ti yɛ a kɔ i wun wunlɛ ndɛkɛn-ɔn? Ndɛ ti-man anglo le kun annzɛ wunmiɛn-delɛ-cɛn.» Bla'n tɛli i su kɛ: «Nán sa su-ɔ!»

1 Be Nyoliɛ 15:16

David seli Levifuɛ'm be kpɛnngbɛn'm be kɛ be siesie be niaan jue tofuɛ'm be sɛsɛsɛ. I waan be kan kle be kɛ be fa be ngowa kanlɛ ninnge mun. Ɔ seli be kɛ be bo be jru mun, nin be aluku mun, ɔ nin be aaba ndɛ mun. I waan be bo i kekle kpa be fa yi be aklunjuɛ'n i nglo.

1 Be Nyoliɛ 15:19

Eman, nin Azaf, ɔ nin Etan bɔ be ti jue tofuɛ'n, be lɛ aaba ndɛ mun. Be bo be kekle kpa.

1 Be Nyoliɛ 15:24

Be nin Obɛd-Edɔm, nin Zɛsiza yɛ be nian su-ɔ. Sɛbania, nin Zozafat, nin Nɛtaneɛl, nin Amazai, nin Zakari, nin Bɛnaza, ɔ nin Eliezɛr bɔ be ti Nyanmiɛn nyrun jranfuɛ'n be o Nyanmiɛn i alaka'n i nyrun be bo awɛ.

1 Be Nyoliɛ 16:42

Eman nin Zɛditɛn yɛ be nian awɛ mun nin aaba ndɛ'm be su-ɔ. Be nian ngowa kanlɛ ninnge bɔ be fa to Nyanmiɛn manmanlɛ jue'n be su ekun. Zɛditɛn i mma'm be ti anuan nun jranfuɛ.

1 Be Nyoliɛ 16:6

Bɛnaza nin Zasaziɛl bɔ be ti Nyanmiɛn nyrun jranfuɛ'n, be bo awɛ Nyanmiɛn i alaka'n nyrun blɛ'n kwlaa.

1 Be Nyoliɛ 25:1

David nin be nga be nian Nyanmiɛn sulɛ'n su'n be sieli Azaf osu'n nunfuɛ mun, nin Eman osu'n nunfuɛ mun, ɔ nin Zɛditɛn osu'n nunfuɛ'm be ngunmin. Be nga be sieli be sɔ'n, be fa Nyanmiɛn nuan ndɛ'n be kpɛ jue. Kɛ be ´to'n, wuun be ´bo jru, nin aluku, ɔ nin aaba ndɛ mun. Be nga be fa junman sɔ'n wlali bé sa nun'n mun yɛ:

2 Be Nyoliɛ 13:12

Amun `nian, Anannganman bɔbɔ dun e nyrun mmua. I nyrun jranfuɛ'm be o wa, awɛ'm be o bé sa nun, kɛ be bo'n, wuun e nin amun e su ko kun. Izraɛlfuɛ mun, nán amun nin Anannganman amun nannan'm be Nyanmiɛn'n amun kun, afin amun su nyan-man jranwlɛ.»

2 Be Nyoliɛ 13:14

Kɛ Zida sonja'm be kpɛli bé nyin'n, be wunnin kɛ be kpɔfuɛ wie'm be o bé sin lɔ. Kɛ b'ɔ yoli kɛ be nin be nyrun wafuɛ'm be ´kun nan be nin bé sin lɔfuɛ'm b'a kun'n, be kpan flɛli Anannganman, kpɛkuun Nyanmiɛn nyrun jranfuɛ'm be boli awɛ'n.

2 Be Nyoliɛ 2:4

Sua nga n ´kplan'n, ɔ ´yo sua dan, afin e Nyanmiɛn'n i dan tra like nga be su be'n be kwlaa.

2 Be Nyoliɛ 5:12

Azaf nin Eman, ɔ nin Zɛditɛn, be nin be mma mun, ɔ nin be osu'n nunfuɛ kun nga mun, be ti Levifuɛ, yɛ be ti jue tofuɛ. Be wlali tralɛ nga be fali lɛn mma plili be wuli'n. Aaba ndɛ, nin jru, nin sanngo'm be o bé sa nun, be jin Nyanmiɛn sɔwlɛ'n i wia afiliɛ lɔ. Nyanmiɛn nyrun jranfuɛ ya-kun-nin-ablaɔn bɔ be bo awɛ'n, be nin be yɛ be o lɛ-ɔ.

2 Be Nyoliɛ 8:13

Tɛ ng'ɔ fata kɛ be nian be cɛn'm be su be yi'n, bɔ Moiz kannin be ndɛ'n, Salomɔn yi be. Ɔ yi wunmiɛn-delɛ-cɛn'n nun liɛ'n mun, nin anglo le kun liɛ'n mun, ɔ nin cɛn dandan nsan nga be di be afuɛ kwlakwla'n be liɛ'n mun. Cɛn dandan sɔ mun'n, kun yɛlɛ kpaun bɔ kpaun ayre nun-man nun'n i cɛn'n, kun yɛlɛ le mɔcuɛ'n i cɛn'n, yɛ kun ekun yɛlɛ kpata'm bé ti cɛn dilɛ'n.

Jue Mun 149:3

Man be si able nan be bo flɛ i. Man be bo klɛn nin jru yɛ be to jue be mɛnmɛn i.

Jue Mun 33:2

Amun `bo jru be fa manman Anannganman. Amun `bo sanngo b'ɔ lɛ nyanman blu'n be manman Anannganman .

Jue Mun 98:6

An `bo awɛ mun, amun `fita nnɛn wuɛ'm be nun. An `kpan kekle be manman Anannganman b'ɔ ti famiɛn'n.

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Kalɛ 15:3

amun `yi tɛ bɔ be yra be nnɛn'n kɔlikɔli'n, annzɛ bo kun yolɛ'n i su tɛ mun be man min. Man tɛ sɔ'm be yo kɛ sran wie tali min nda wie yɛ ɔ su yi i su tɛ-ɔ, annzɛ man be yo amun klun klo tɛ, annzɛ amun cɛn dilɛ wie su tɛ. Man i sɔ tɛ liɛ nga amun ´yi be man min'n be yo nannin, annzɛ bua, annzɛ boli, ɔ bɔn min bue nun fannin.

Kalɛ 28:11

«Anglo kwlakwla i cɛn ba klikli'n, amun `fa nannin tola bɔ b'a kpɛ cro'n sɔ nnyɔn, bua nene kun, yɛ bua nga b'a kpɛ cro'n bɔ b'a di afuɛ kun bɔ lɛ fi nun-man bé wun'n, i sɔ nso, amun `fa yi tɛ nga be yrɛ i nnɛn'n kɔlikɔli'n be man min.

Mmla'n 16:15

Amun `di cɛn sɔ'n le nso lika nga Anannganman amun Nyanmiɛn'n ɔ kle'n nun, amun `di fa mɛnmɛn i. Amun `yi amun aklunjuɛ i nglo yɛlɛ kɛ Anannganman amun Nyanmiɛn'n yo man amun fie'm be yo kpa, yɛ like kwlaa nga amun yo'n ɔ ´yo ye.

Kolɔsfuɛ Mun 2:16

I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.