Jue Mun 80:9 - NYANMIƐN NDƐ'N 1998

⁹ A tuli vinyi fie kun bo Ezipt lɔ, kpɛkuun a ko fuannin nvle wie mun, yɛ a tali fie sɔ'n be mɛn'n nun.

Jue Mun 80:9 ပူးပေါင်းရင်းမြစ်များ

2 Samiɛl 7:10

M'an man min nvle'n bɔ yɛlɛ Izraɛl'n i lika kun. M'an tɛkɛ i lɛ, be su tu-mɛn i bo, sa fi su kun-mɛn i srɛ kun. Sran tɛtɛ'm be su kle-mɛn i yalɛ kun

1 Famiɛn Mun 4:20

Zida mɛn'n ɔ nin Izraɛl mɛn'n nun sran'm be sɔnnin kpa, be sɔnnin kɛ jenvie nuan aunnyan sa, sanngɛ be kwlaa be nyan aliɛ be di, yɛ be nyan nzan be nɔn. Be kwlaa be klun jɔ.

1 Be Nyoliɛ 21:5

Zoab boli sran'm bé nuan kleli David: Izraɛl sonja nga be kun alɛ-ɔ, ɔ yo ye'n be ti sran miliɔn kun sran akpi-akpi ya (1.100.000), yɛ Zidafuɛ nga be kun alɛ-ɔ, ɔ yo ye'n be ti sran akpi-akpi ya nnan sran akpi-akpi ableso (470.000).

Jue Mun 105:44

Ɔ fali nvle uflɛ wie'm be nunfuɛ'm be asiɛ'n mannin be. Ɔ man junman nga nvle sɔ'm be nunfuɛ'm be dili'n, i nuan like'n kwlaa yoli be liɛ.

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Ezai 27:2

I cɛn sɔ nun'n, amun ´to jue kun be ´manman vinyi fie'n bɔ i su nzan'n yo fɛ'n.

Ezai 27:6

Sɛ Zakɔb ti waka'n, wuun n ´se kɛ cɛn wie lele i osu'n nunfuɛ'm be ´nyan olui, be ´fɛfɛ, yɛ be ´bo nyrɛ, yɛ be mma'n be ´tru mɛn'n nun .

Ezai 37:31

Zida akpasua'n sufuɛ nga be kali lɛ'n, be ´yo kɛ waka bɔ be lɛ olui, bɔ mma o be su'n sa.

Ezai 5:2

Ɔ dili asiɛ'n su junman, ɔ yiyili i nun yɛbuɛ mun, ɔ tali nun vinyi nglanman nglanman mun. Ɔ kplannin akpa fleiin kun fie'n i afiɛn. Ɔ kpɛli kunman kun. Kunman sɔ'n ɔ ti vinyi mma nzue cuɛnwlɛ. Ɔ bu i kɛ vinyi'n ɔ wa su mma kpa, kpɛkuun ɔ ´su-ɔ, mma tɛtɛ yɛ ɔ'a su-ɔ.

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Zeremi 2:21

Kusu n kpali wɔ kɛ be kpa vinyi mma kpa'n sa yɛ n tali wɔ-ɔ. N tali wɔ kɛ vinyi wie bɔ fiɛn kaan sa nun-mɛn i wun'n sa. ?Ɔ yo sɛ yɛ man a wa kaci yoli blo vinyi nin-ɔn?

Zozie 24:12

N sunmannin abɔn dandan mun amun nyrun, be fuannin be kɛ be fa fuannin Amɔr famiɛn nnyɔn mun'n sa. Nán amun tokofi annzɛ amun cua mun yɛ be man amun kwlali-ɔ .