Jue Mun 80:2 - NYANMIƐN NDƐ'N 1998

² Wɔ bɔ a ti Izraɛlfuɛ'm be sunianfuɛ, sie ɔ su. Wɔ bɔ a tinngɛ Zozɛf osu'n nunfuɛ mun kɛ bua kankanfuɛ'n ɔ fa kankan i bua mun sa'n, wɔ bɔ ɔ famiɛn bia'n wo anz'm bé ti su nglo'n, yi ɔ́ wun nglo.

Jue Mun 80:2 ပူးပေါင်းရင်းမြစ်များ

1 Famiɛn Mun 8:6

Nyanmiɛn nyrun jranfuɛ'm be fali alaka'n be ko sieli i Nyanmiɛn i lika kpa tra su nun lɔ. Be fa sieli anz nga be nian Nyanmiɛn i ninnge'm be su'n be nzɔliɛ'm bé bo lɛ. Ɔ o be ndɛwa'm bé bo, afin lɛ yɛ be kleli be kɛ be sie i-ɔ.

2 Famiɛn Mun 19:15

I sin Ezekias srɛli Anannganman seli kɛ: «Anannganman, Izraɛl Nyanmiɛn, wɔ yɛ a ti anz'm be su kpɛn nin-ɔn. Wɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

Jue Mun 35:23

Min Min, min Nyanmiɛn, jaso! Di min jɔlɛ'n i klanman man min! Jaso nan kun min ti alɛ man min!

Jue Mun 50:2

Siɔn b'ɔ ti klanman dan'n, i nun lɔ yɛ Nyanmiɛn'n ɔ fin-ɔn. Ɔ kpaja weiin yɛ ɔ ba-a.

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Jue Mun 99:1

Anannganman ti famiɛn, ɔ man nvlefuɛ'm be usu. Ɔ ti anz'm bé ti su nglo, ɔ man asiɛ'n keje.

Ezipt Lɔ Tulɛ'n 25:22

Alaka'n i su tre'n i su lɛ yɛ e nin wɔ e wa yia-a, e ´yia anz nnyɔn'm be afiɛn'n nun lɛ. Lɛ yɛ n ´kan mín nuan su ndɛ n ´kle wɔ yɛ a ´kan kle Izraɛlfuɛ mun-ɔn.»

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

1 Samiɛl 4:4

Yɛ be sunmannin sran Silo lɔ-ɔ. Anannganman b'ɔ sie mɛn wunmuan'n b'ɔ tran anz nga be niɛn i ninnge'm be su'n be afiɛn'n, be ko fɛ i alaka'n bali. Eli i mma nnyɔn mun, Ɔfni nin Fine, be ko sunmannin Nyanmiɛn i alaka'n.