Jue Mun 76:8 - NYANMIƐN NDƐ'N 1998

⁸ Ee! A yo sro o! ?Kɛ a ko fa ya'n, wan cɛ yɛ ɔ kwla ɔ nyrun jran-an?

Jue Mun 76:8 ပူးပေါင်းရင်းမြစ်များ

2 Famiɛn Mun 22:13

«Amun `wɔ be ko wun Anannganman wun, man ɔ kan fluwa nga be wunnin i'n i wun ndɛ kle amun. Amun `wɔ min nin Zidafuɛ mun e dunman nun, afin kɛ n niɛn i sa'n, e nannan'm b'a fa-man fluwa nga nun ndɛ'm be su. B'a nian-man ndɛ sɔ'm be su b'a nanti-man. I ti Anannganman i ya nga ɔ'a fɛ i é wun'n ti-man blɛblɛ.»

1 Be Nyoliɛ 16:25

afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa,

1 Be Nyoliɛ 16:30

Asiɛ'n sufuɛ mun kwlaa, kɛ amun wo i nyrun lɛ'n, amun `usu. Asiɛ'n ti takawa kpa, ɔ su keje-man le.

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Zɔb I Nyrɛnnɛn Wunlɛ 25:2

Sielɛ'n wo Nyanmiɛn sa nun. Ɔ yo sro. I ti yɛ man nglo lɔ lika'n tɔ fɔuun nin-ɔn.

Jue Mun 46:10

Kɛ ɔ fɛ i lele b'ɔ ´fa ju mɛn'n i awieliɛ lɔ'n, ɔ'a yo man alɛ kunlɛ'n ɔ'a wie, ɔ'a bubu ta'm be nun, ɔ'a bubu cua'm be nun, ɔ'a wɔ nyrɛn'm be nun.

Ezipt Lɔ Tulɛ'n 19:10

Anannganman seli Moiz ekun kɛ: «Sa ɔ́ sin sran'm bé wun lɔ nan se be kɛ be `yo bé wun saun ndɛ nin ainman. Be `kpu be tralɛ mun.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Abakik 2:20

Anannganman'n liɛ'n, ɔ o i sua'n nun lɔ. Man asiɛ'n su sran'm be kwlaa be muan bé nuan i nyrun .»

Zakari 2:13

E nin be e wa yia nun. Be nga be fɛnnin sran'm bé bo ninnge'n, be wa fɛn be liɛ'n wie kusu.» Kɛ ɔ ko yo sɔ'n, i liɛ amun wa wun i wlɛ sakpa sakpa kɛ Anannganman b'ɔ sie mɛn wunmuan'n yɛ ɔ sunmannin min-ɔn.

Jɔlɛ Difuɛ Mun 5:20

Nzraama'm be fin nyanmiɛn su lɔ be nin Sizɛra be wa kunnin.