Jue Mun 76:6 - NYANMIƐN NDƐ'N 1998

⁶ Safunyrɛn'm bɔ be lɛ-man anwlɛn ngowa'n, be lafili sa pɔɔ. Ɔ man be trali be. Sran waka-waka sɔ'm b'a kwla kpli-man bé ti.

Jue Mun 76:6 ပူးပေါင်းရင်းမြစ်များ

2 Samiɛl 10:18

Sirifuɛ'm be wanndili Izraɛlfuɛ'm bé bo. David nin i sran'm be kunnin be kakaklolo ya nso bé su nnɛn kpanngɔ mun, ɔ nin be nnɛn kpanngɔ fufuɛ akpi-akpi ablanan (40.000). Be boli Sɔbak b'ɔ ti be sonja kpɛnngbɛn'n i kannin nan ɔ'a wu lɛ.

2 Famiɛn Mun 19:35

Le kun sɔ'n i kɔnguɛ'n, Anannganman i anz'n ɔli Asirifuɛ'm be nanmue'n nun lɔ. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun'n, nanmue nun ti fuɛn ngunmin.

2 Be Nyoliɛ 32:21

Anannganman sunmɛnnin i anz kun Asiri famiɛn'n i ngblaliɛ'n nun lɔ. Ɔ ko kunnin sonja nga be ti safunyrɛn'm be kwlaa nin sonja'm be nun kaklaakla'm be ngba, ɔ nin kpɛnngbɛn mun. Asiri famiɛn'n fɛli i sɔ nyannzuɛn'n sɛli i sin i mɛn'n nun. Yɛ cɛn kun b'ɔ ɔli i amuɛn sua'n nun lɔ'n, i bɔbɔ i klun ba'm be ko kunnin i .

Jue Mun 104:7

Sɛ n ´kwla se'n, kɛ a kpannin nzue'n su'n, kpɛkuun ɔ wanndili. Wɔ man nyanmiɛn'n boli nun, kpɛkuun nzue sɔ'n ɔ kacili i ja sin.

Jue Mun 18:15

Ɔ toli i cua mun, kpɛkuun min kpɔfuɛ'm be bo sanndili. Nyanmiɛn'n kplali, ɔ kplali. Ɔ man be wanndili.

Jue Mun 80:16

Sasa fie sɔ'n bɔ ɔ bɔbɔ a fali ɔ́ sa tali'n. Sɛ n ´kwla se'n, ɔ ti ɔ wa yasua, yɛ a tɛli i ɔ nyinnin.

Ezipt Lɔ Tulɛ'n 15:1

Moiz nin Izraɛlfuɛ'm be toli jue ng'ɔ o yɛ'n be manmannin Anannganman: «N ´to jue m ´manman Anannganman, afin kwlalɛ nga ɔ'a kwla yɛ'n, ɔ lɛ-man wunsu. Ɔ toli nnɛn kpanngɔ'm be nin bé su fufuɛ mun yili jenvie'n nun lɔ.

Ezipt Lɔ Tulɛ'n 15:10

Sanngɛ wɔ Anannganman a fitali wɔ aunngban'n, kpɛkuun jenvie'n katali bé su kplu. Be mlɔnnin kɛ sunmun sa nzue sroesroe sɔ'n nun.

Ezipt Lɔ Tulɛ'n 15:21

Mari sɔ jue'n su kɛ: «Amun `to jue be `manman Anannganman, afin kwlalɛ ng'ɔ kwlali yɛ'n, kwlalɛ sɔ'n ɔ yoli dan sakpa. Ɔ toli nnɛn kpanngɔ nin bé su fufuɛ mun yili jenvie'n nun lɔ!»

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Zeremi 51:39

Kɛ awe'n ko ti be'n, n wa man be aliɛ fɛfɛ kpa man be ´di. Be ´di, be ´nɔn nzan'n lele be ´bo. Kpɛkuun lafilɛ nga be lafi-ɔ be tinnge-man'n yɛ be wa lafi-ɔ.» Anannganman'n yɛ ɔ kan sɔ-ɔ.

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Ezekiɛl 39:20

Blɛ bɔ amun ´di min aliɛ'n, amun ku ´yi. Amun ´di nnɛn kpanngɔ nin nnɛn kpanngɔ su fufuɛ'm be nnɛn. Amun ´di safunyrɛn nin sonja'm be kwlaa be nnɛn .› » Anannganman Nyanmiɛn'n yɛ ɔ kan sɔ-ɔ.

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Naɔm 2:13

Kɛ asɔmɔli'n kun nnɛn mun'n, ɔ titi be nun fa man asɔmɔli bla'n ɔ nin i mma mun. Nnɛn ng'ɔ tra be'n, be yi i lawlɛ'n kpɔkpɔkpɔ.

Naɔm 3:18

Asiri famiɛn, ɔ sran nga a siesieli be kɛ be `nian ɔ sran'm be su'n be su lafi. Ɔ sonja su kpɛn'm be kwla-man bé wun keje kun. Ɔ nvle'n nunfuɛ'm b'a bo je oka'm be su, sran fi nun-man lɛ kun nan ɔ'a flɛflɛ be kɛ be `yia.

Zakari 12:4

I sɔ blɛ nun'n, n ´wla nnɛn kpanngɔ'm be srɛ. Kpɛkuun be nga be fu nnɛn kpanngɔ sɔ'm be su'n be ´yo kɛ bé nyin su ɔ'a tu sa. N ´nian Zidafuɛ'm be lika, kpɛkuun n ´si nvle kun nga'm be nnɛn kpanngɔ'm bé nyin mma.

1 Samiɛl 26:12

Yɛ David fali cua'n ɔ nin nzue towa nga be o Sail ti bo lɛ'n nan b'a ɔ. Sran fi ɔ'a tinnge-man, be kwlaa'n be su lafi, afin Anannganman man lafilɛ'n kunnin be dan.