Jue Mun 76:12 - NYANMIƐN NDƐ'N 1998

¹² Amun `ta Anannganman amun Nyanmiɛn'n i nda kɛ amun ´yo like be mɛn i, yɛ amun `yia nda sɔ'n i nuan. Amun kwlaa nga amun ´wunnge Nyanmiɛn b'ɔ yo sro'n i wun'n, amun `fa ninnge be wa cɛ i.

Jue Mun 76:12 ပူးပေါင်းရင်းမြစ်များ

Sofoni 3:6

«N nunnunnin nvle wie mun mlɔnmlɔnmlɔn, be sasawlɛ sua mun bɔ be ti nglo sua'n, bɔ be o klɔ'm be cɔnjɔ'm be su'n, m bubuli be. Be akpɔ'm be tɔli srololo, m bubuli be klɔ mun, sran fi ijɔ-man be su kun.

Jue Mun 68:12

Kɛ e Min'n kan ndɛ kunngba sa cɛ'n, kpɛkuun bla nga be bo jasin kpa be sin'n b'a ba kpanngban kɛ sonja mun sa.

2 Be Nyoliɛ 32:21

Anannganman sunmɛnnin i anz kun Asiri famiɛn'n i ngblaliɛ'n nun lɔ. Ɔ ko kunnin sonja nga be ti safunyrɛn'm be kwlaa nin sonja'm be nun kaklaakla'm be ngba, ɔ nin kpɛnngbɛn mun. Asiri famiɛn'n fɛli i sɔ nyannzuɛn'n sɛli i sin i mɛn'n nun. Yɛ cɛn kun b'ɔ ɔli i amuɛn sua'n nun lɔ'n, i bɔbɔ i klun ba'm be ko kunnin i .

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Jue Mun 47:2

Nvle nunfuɛ'm be kwlaa, amun `bo ndɛ, amun klun b'ɔ ti jɔwa'n ti'n, amun `bo sro nan amun `manman Nyanmiɛn.

Jue Mun 2:10

I ti'n, famiɛn mun, amun `yo ngwlɛlɛfuɛ. Asiɛ'n su jɔlɛ difuɛ mun, amun `jran man be man amun afɔtuɛ.

Jue Mun 2:5

Ɔ'a fa ya kpa yɛ ɔ nin be kan-an. Ya dan sɔ'n b'ɔ fali'n ti man srɛ'n kun-man be ngowa.

Sa nglô yile 6:15

Yɛ asiɛ'n su famiɛn mun, nin sran kaklaakla mun, nin sonja sasufuɛ mun, nin anyanbeunfuɛ mun, nin yakpafuɛ mun, nin sran'm be kwlaa, kanga mun o, diewa mun o, be wanndi fiali buɛ'm be nun nin oka'm be su yɛbuɛ dandan'm be bo .

Jue Mun 68:35

Amun `kɛn i kpa man be ti i kɛ Nyanmiɛn'n ɔ kwla. I dunman dan'n wo Izraɛl su. I kwlalɛ b'ɔ kwla'n ɔ fu lele ju nyanmiɛn ble'n nun lɔ.

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

Saun Yolɛ 23:38

Wunmiɛn-delɛ-cɛn'n kusu, an `nian su. Like kwlaa nga amun kwla fa be man min'n, sɛ amun klunklo aliɛ o, sɛ amun klunklo nnɛn o, sɛ kusu nda wie yɛ amun tali yɛ amun ´fɛ i su ninnge'n be ba o, nán amun yaci be yolɛ.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.