Jue Mun 74:9 - NYANMIƐN NDƐ'N 1998

⁹ E wun-man e nzɔliɛ'm be wie fi kun. Nyanmiɛn nuan ijɔfuɛ'm b'a wie. E wie fi e si-man blɛ bɔ i sɔ sa'm be wie-ɔ.

Jue Mun 74:9 ပူးပေါင်းရင်းမြစ်များ

Ezipt Lɔ Tulɛ'n 12:13

Mmoja b'ɔ o sua nga an tran be nun'n be anuan'm be su'n ti nzɔliɛ. Kɛ n ´wun mmoja'n, n ´tu tra amun, kpɛkuun kɛ n ´fa nyrɛnnɛn n yi i Eziptfuɛ'm bé su'n, ɔ su ju-man amún su wie .

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ezekiɛl 20:12

N kpɛli wunmiɛn-delɛ-cɛn nan n ´fa yi aenguɛ nga e nin be e trali'n i nglo, kɛ ɔ ´yo nan b'a si kɛ n ti Anannganman nan n fali Izraɛl n sieli i ngunmin kɛ ɔ `su min.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Amɔs 8:11

Anannganman'n waan: «Cɛn kun n wa to awe n ´yi mɛn'n su. Awe sɔ b'ɔ kun sran mun'n, nán kɛ awe-ɔ, nán nzuewe-ɔ. Anannganman i nuan ndɛ'n i tilɛ i awe yɛ ɔ ´kun be-ɔ.

Mise 3:6

i ti siɛn'n, aolia nun like ng'ɔ ´ba'n, amun lafi kɔnguɛ-ɔ, amun su wun-mɛn i kun. Amun su cɛn-man laliɛ kun, amun tɛ wun-man ase kun, amún ti nun ´si.»

Mise 3:7

I sɔ blɛ'n nun'n, be nga bé ti wun ase'n be ´wun nyannzuɛn. Nyannzuɛn'n dunman nun ti be ´kata bé nyin, afin be flɛ Nyanmiɛn-ɔn, ɔ su tɛ-man be su kun.

Hébreu 2:4

Kɛ Nyanmiɛn yi atrɛ b'ɔ yo abonuan sa nin sa kekleekle fanunfanun'n, b'ɔ fa like nga i Wawɛ'n man sran yo'n man sran kɛ i klun klo'n sa'n, ɔ guali be ndɛ'n su.

Jɔlɛ Difuɛ Mun 6:17

Zedeɔn seli i kɛ: «Sɛ ɔ waan a ´yo min ye sakpa'n, kle min nzɔliɛ kun nan m'an wun i wlɛ kɛ wɔ yɛ a nin min su ijɔ yɛ.

1 Samiɛl 3:1

Samiɛl kan'n wo Eli sa nun, ɔ su Anannganman. I blɛ sɔ nun'n, Anannganman ijɔ-man kplakpla kle-man sran, yɛ kusu ɔ fa-man aolia nun like kle-man sran kplakpla.