Jue Mun 74:8 - NYANMIƐN NDƐ'N 1998

⁸ Be se bé wun kɛ: «E `kle be kwlaa be nyrɛnnɛn ke! E `wɔ be Nyanmiɛn suwlɛ'n kwlaa nun.»

Jue Mun 74:8 ပူးပေါင်းရင်းမြစ်များ

2 Famiɛn Mun 2:3

Nyanmiɛn i nuan ijɔfuɛ nga be o Betɛl lɛ'n be wa usali Elize kɛ: «?Kɛlɛ a si kɛ Anannganman wa fa ɔ klefuɛ'n ´fu nyanmiɛn su ndɛ?» Elize tɛli be su kɛ: «Ɛɛn! N si sɔ wie, man n ti sa, nán amun kan ndɛ sɔ'n kle min kun.»

2 Famiɛn Mun 2:5

Nyanmiɛn i nuan ijɔfuɛ'm bɔ be o Zeriko lɛ'n, be wa toli Elize lɛ, be usɛli i kɛ: «?Kɛlɛ a si kɛ Anannganman wa fa ɔ klefuɛ'n ´fu nyanmiɛn su ndɛ?» Elize tɛli be su kɛ: «Ɛɛn! N si sɔ wie, man n ti sa, nán amun kan ndɛ sɔ'n kle min kun.»

2 Famiɛn Mun 4:23

Bian'n usɛli i kɛ: «?Nguɛ sa ti yɛ a kɔ i wun wunlɛ ndɛkɛn-ɔn? Ndɛ ti-man anglo le kun annzɛ wunmiɛn-delɛ-cɛn.» Bla'n tɛli i su kɛ: «Nán sa su-ɔ!»

2 Be Nyoliɛ 17:9

Kɛ be ´kɔ'n, be fali Nyanmiɛn mmla fluwa'n be ɔli, be sinsinnin Zida klɔ'm be su be kleli sran'm be kwlaa be like.

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Jue Mun 83:4

Be cici ɔ sran mun bé wun sa. Be wun bé wun be bu be nga a sasa be'n bé wun akunndan tɛ.

Jue Mun 83:5

Be waan: «Amun man e wɔ e ko nunnun be nvle'n, nán man be bo Izraɛl dunman su be di jɔlɛ kun.»

Matthieu 4:23

Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.