Jue Mun 74:7 - NYANMIƐN NDƐ'N 1998

⁷ Be yili ɔ sua'n nun sin, be suli i bo be yili i ase. Be yoli lika sɔ bɔ ɔ dunman'n wo su'n i finfin.

Jue Mun 74:7 ပူးပေါင်းရင်းမြစ်များ

1 Famiɛn Mun 8:20

Yɛ Salomɔn waan: «Ndɛ sɔ bɔ Anannganman kannin'n, ɔ'a yiɛ i nuan. M'an sin min si i osu, m'an yo famiɛn. Min yɛ n ti famiɛn bia'n su kɛ Anannganman kannin'n sa-a, yɛ kusu m'an kplan sua nga m'an mɛn i.

2 Famiɛn Mun 25:9

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Ɔ'a yaci-man sran kpakpa'm bé sua'n wie fi lɛ.

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Jue Mun 89:39

I sɔ'n kpɛkuun a bua-man sran'n bɔ a fɛli i sieli famiɛn'n i ndɛ nun kun, w'a yi i ase, w'a fɛ i wun ya.

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezai 64:11

Anannganman, lika nvuɛn sɔ'n yɛ ɔ́ nyin tɛ i lɛ-ɔ. ?A ´tran lɛ sa ngbɛn? ?A su kan-man ndɛ fi? ?Nan a ´gua é nyin ase lele tra su?

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 7:24

N wa fa nvle-nvlefuɛ wie mun bɔ be si-man aunnvuɛ'n m ´ba nan be wa de bé sua mun bé sa nun. Be nga be waan be ti tinwa kpa'n, n ´kuakua be. Be amuɛn sua'm be ´saci.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.