Jue Mun 74:12 - NYANMIƐN NDƐ'N 1998

¹² Ee Nyanmiɛn min famiɛn, wɔ yɛ kɛ ɔ fin lalafuɛ nun'n, a de sran mun mɛn wunmuan'n nun nin-ɔn.

Jue Mun 74:12 ပူးပေါင်းရင်းမြစ်များ

Jue Mun 44:4

Nán be bɔbɔ be tokofi'n yɛ man be fali lika nin-ɔn, nán be wue kekle yɛ man be fiteli nun-ɔn. Ɔ fanngan nun-ɔn, ɔ kwlalɛ'n ti-ɔ, wɔ aunnvuɛ silɛ'n ti-ɔ, afin a klo be sa.

Jue Mun 5:3

Min famiɛn, min Nyanmiɛn, sie ɔ́ su tie flɛlɛ bɔ n flɛ wɔ'n, afin wɔ yɛ n srɛ wɔ-ɔ.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 63:8

Ɔ seli kɛ: «Be ti min nvle'n nunfuɛ mun, be ti ba bɔ be kpɛ-man gblɛ.» Ɔ yoli be defuɛ.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Abakik 1:12

Anannganman, kɛ ɔ fin adudua'n, wɔ yɛ a ti Nyanmiɛn titi-ɔ. A ti min Nyanmiɛn, ɔ nzuɛn nin klɔ sran liɛ'n ti-man kun, a wu-man le. Anannganman, a kpali e kpɔfuɛ sɔ mun kɛ be di e jɔlɛ. Wɔ bɔ a ti kɛ yɛbuɛ sa'n, a tinnin be kɛ be tu e fɔ ɔ dunman nun.

Sa nga bé yôli'n 7:7

Sanngɛ nvle nga bɔ be ko yo be kanga'n, Nyanmiɛn seli kɛ ɔ nin be yɛ be ´kan-an. I sin, be ´jao mɛn sɔ'n nun be wa su i lika nga nun wa .

1 Samiɛl 19:5

Ɔ klɛnnin i wun mannin wie'n yɛ ɔ kunnin Filistifuɛ mun-ɔn. Kɛ ɔ yoli sɔ'n kusu Anannganman deli Izraɛl nvle'n. Ɔ bɔbɔ a wunnin i, ɔ yoli wɔ fɛ. David ɔ'a yo-man sa tɛ. ?Ɔ yo sɛ ti yɛ ɔ waan a ´kun i-ɔ?»