Jue Mun 74:1 - NYANMIƐN NDƐ'N 1998

¹ Jue nga ti Azaf liɛ. I waan: ?Nyanmiɛn, ɔ yo sɛ ti yɛ a yi e blo mlɔnmlɔn sɔ-ɔ? ?E ti-man kɛ ɔ bua mun sa? ?Ɔ yo sɛ ti yɛ a fa ya kekle e wun sɔ-ɔ?

Jue Mun 74:1 ပူးပေါင်းရင်းမြစ်များ

2 Famiɛn Mun 21:14

N ´yi min sa min nvlefuɛ nga be kali lɛ'n be su, n ´yi be n ´wlɛ i be kpɔfuɛ'm bé sa nun. Be kpɔfuɛ sɔ'm, be ´fɛn bé bo ninnge mun.

Jue Mun 10:1

?Anannganman, ɔ yo sɛ ti yɛ a jran mmua lɔ sɔ-ɔ? ?Kɛ sa'n ko ju'n, ɔ yo sɛ ti yɛ a fia-a?

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 18:8

Ya dan b'ɔ kunnin Anannganman'n ti, asiɛ'n ɔ kejeli, oka'm be kusu be kejeli wie.

Jue Mun 42:11

Kɛ min kpɔfuɛ'm be ´yo min fiaan bɔ be ´usa min kɛ: «?Ɔ Nyanmiɛn'n wo nin'n?» Ɔ yo min ya lelee, kpɛkuun min owie nun yra min fiaan.

Jue Mun 42:9

Anannganman yo min ye wia nun. Kɔnguɛ'n, n to jue m mɛnmɛn i yɛ n srɛ i afin ɔ man min nguan.

Jue Mun 44:9

Nyanmiɛn, e fa ɔ e di e nuan cɛn kwlaa, e yaci-man wɔ bo flɛlɛ'n le nan kɛ ɔ ´yo-ɔ ɔ'a yo.

Jue Mun 50:1

Jue nga ti Azaf liɛ. I waan: Nyanmiɛn'n, Nyanmiɛn'n, Anannganman'n su kan ndɛ. Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, ɔ flɛ asiɛ wunmuan'n i sufuɛ mun.

Jue Mun 60:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru. Be fa kle like. Ɔ kan alɛ bɔ David nin i sran'm be nin Sirifuɛ nga be fin Mezopotami nin be nga be fin Sɔba'n be kunnin'n i ndɛ. Kɛ be ɔli bɔ be bali'n, Zoab nin i sran'm be nin Edɔmfuɛ'm be ko kunnin. Zoab nin i sran mun be kwlali Edɔmfuɛ sɔ'm be sonja akpi-akpi-blu-nin-nnyɔn (12.000) Njin Kongo'n nun lɔ. I waan:

Jue Mun 60:10

Moab lika'n ti kɛ min kpongbo sa yɛ n wunnzin nun-ɔn. M'an fa min sa m'an sie i Edɔm lika'n su, ɔ ti min liɛ. Filistifuɛ mun, amun `bo sro be manman min.

Jue Mun 77:7

Jue nga n to'n, ɔ kpɛn min klun kɔnguɛ. M bu akunndan, min waan n ´kunndɛ kɛ n ´wun sa'm be wlɛ.

Jue Mun 77:8

N usa kɛ: ?Nan Anannganman ´yi e blo sa mlɔnmlɔn? ?Ɔ su yo-man e ye kun?

Jue Mun 78:1

Jue nga ti Azaf liɛ. I waan: Min nvle'n nunfuɛ mun, amun `sie amun su be tie min mmla'n. Amun `sie amún su kpa be tie ndɛ nga n kan'n.

Jue Mun 79:13

Sanngɛ e bɔ e ti ɔ sran mun'n, bɔ e ti kɛ ɔ́ kuku'n nun nnɛn mun sa'n, e liɛ'n e ´to jue e ´manman wɔ tititi, e ´bo e flɛ wɔ tititi.

Jue Mun 79:5

?Anannganman cɛn onin ko yɛ a ´yaci ya tantrantan nga a fɛ i e wun nin-ɔn? ?Cɛn onin ko yɛ é ti kwla b'ɔ a si'n i su ya b'ɔ yra kɛ sin sa'n, ɔ ´jaso e su-ɔ?

Jue Mun 80:5

?Anannganman, wɔ bɔ a ti mɛn wunmuan'n i Nyanmiɛn'n, cɛn onin ko yɛ e bɔ e ti ɔ nvle'n i nunfuɛ'n e srɛlɛ'n ɔ ´yaci wɔ ya kunlɛ-ɔ?

Jue Mun 85:6

?Nan a ´ka é wun ya falɛ'n su sa tititi? ?A ´fa ɔ ya'n a ´gua akpasua nga be ´jaso su'n be su?

Jue Mun 95:7

Afin i yɛ ɔ ti e Nyanmiɛn nin-ɔn. E ti kɛ i kuku nun nnɛn mun sa, i yɛ ɔ kankan ye-ɔ . Sɛ ndɛkɛn amun ti kɛ ɔ su kan ndɛ'n,

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 23:1

Anannganman wan yoo: «Be nga be dun nvlefuɛ'm be nyrun mmua'n be yako! Amun bɔ amun ti kɛ min bua mun sa bɔ amun yoli man min sran mun bɔ be ti kɛ min kuku nun bua mun sa'n b'a bo b'a sanndi, bɔ b'a mlin'n, amun yako!»

Zeremi 31:37

Cɛn nga be sunnzun nglo lɔ lika nin-ɔn ɔ yo ye'n, cɛn nga be wun asiɛ'n i bo lɔ ninnge'm be kwlaa'n, ɔ yo ye'n, i cɛn sɔ'n nun yɛ Izraɛlfuɛ'm be sa tɛ bɔ be yoli'n ti, n ´yi be blo-ɔ.» Anannganman'n yɛ ɔ kan sɔ-ɔ.

Ngwlɛ Yilɛ 5:22

?Nan e blo mlɔnmlɔn yɛ a yili-ɔ? ?A ´fa e wun ya lele kpe nun?

Ezekiɛl 34:31

«Min bua mun, amun bɔ amun ti min kuku'n nun bua mun'n, amun ti klɔ sran. Min kusu n ti amun Nyanmiɛn.» Anannganman Nyanmiɛn'n yɛ ɔ kan sɔ-ɔ.

Ezekiɛl 34:8

Mín nyin o su! Min Anannganman Nyanmiɛn yɛ n kan sɔ-ɔ. Kɛ bɔ sran'm be fa min bua mun, bɔ min bua'm b'a kaci nnɛn tɛtɛ nga be o blo lɔ be aliɛ'n, sunianfuɛ bɔ be nyɛn-mɛn i'n ti, kɛ bɔ bua tafuɛ'm be ta be bɔbɔ bé wun, sanngɛ be ta-man min bua mun'n,

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.