Jue Mun 73:3 - NYANMIƐN NDƐ'N 1998

³ Afin n wunnin i kɛ be nga be yi Nyanmiɛn'n blo'n, be ninnge'm be yo ye bé sa nun, kpɛkuun min nyin bloli nyin keklefuɛ sɔ'm bé wun.

Jue Mun 73:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:6

Sran nga be bu-man Nyanmiɛn like fi'n, be awlo'n ti fɔuun! Be bɔ be klɔklɔ Nyanmiɛn'n, be klun ti-man be. Be Nyanmiɛn liɛ'n yɛlɛ be fanngan bɔ be lɛ i'n.

Zɔb I Nyrɛnnɛn Wunlɛ 17:8

Sran kpa'm bé nuan'n bo be wun. Be bɔ be se bé wun kɛ be yo-man sa tɛ'n, be bu min fɔ, be waan n sro-man Nyanmiɛn.

Zɔb I Nyrɛnnɛn Wunlɛ 21:7

?Ɔ yo sɛ ti yɛ sran nga be bu-man Nyanmiɛn like fi'n be nyin tɛ o su nin-ɔn? ?Ɔ yo sɛ ti yɛ be yo kpɛnngbɛn, kpɛkuun be wunmiɛn'n ɔ kɔ i nyrun nin-ɔn?

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Jue Mun 10:5

Like kwlaa nga klunwifuɛ sɔ'n yo'n, ɔ yo ye i sa nun kpan! Nyanmiɛn i fɔ b'ɔ bu sran'n, ɔ bu-mɛn i like fi. I kpɔfuɛ'm bé bo kankanlɛ'n ɔ ti sa pɔpɔ i sa nun.

Jue Mun 37:1

Jue nga ti David liɛ. I waan: Nán fa ya be nga be yo sa tɛ'n bé wun. Nán ɔ́ nyin blo be nga be fɔn mmla'n bé wun.

Jue Mun 37:7

Fa ɔ́ wla'n guɛ i Anannganman su! Tran diin, yɛ minndɛ. Sɛ sran wie i ninnge'm be yo ye i sa nun'n, nán man ɔ yo wɔ ya. Nán fa ya sran nga i klun akunndan'm be ti-man kpa'n i wun.

Nyanndra Mun 23:17

Nán ɔ́ nyin ka klunwifuɛ'm bé sin, aliɛ ba blu-nin-nso nun'n, man ɔ́ nyin yi Anannganman.

Nyanndra Mun 24:1

Nán sɔnnzɔn klunwifuɛ mun. Nán a nin be san nun.

Nyanndra Mun 3:31

Anwlɛn fufufuɛ'm be like nga be yo'n nán nian su yo wie. Be atin nga be fa su'n, nán fa wie fi su.

Akunndanfuɛ'n 7:15

Blɛ kan nga m'an di i asiɛ'n su wa nun'n, m'an wun kɛ sa'n kwlaa kwla ju. Kannzɛ bɔ sran'n ti kpa sɛ, sanngɛ ɔ kpɛ kpo wu. Sran wie kusu i klunwi liɛ'n be kwla kan-man, sanngɛ ɔ wu-man ndɛ.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Malasi 3:15

Y'a wun kɛ be nga be yo bé wun dandan'n be yɛ be di ye-ɔ, sa tɛ yofuɛ'm bé wun fɔuun. Kannzɛ be klɔklɔli Nyanmiɛn o, be o be olɛ lɛ cɛ, ndɛ fi nyan-man be.› »

Jacques 4:5

?Nyanmiɛn Ndɛ nga be klɛli i kɛ Nyanmiɛn Wawɛ'n b'ɔ fa mannin ye'n jrɛn i nuan si i ti kwla'n, an bu i kɛ be klɛli i ngbɛn ?