Jue Mun 72:8 - NYANMIƐN NDƐ'N 1998

⁸ Man i yɛ ɔ sie mɛn nin-ɔn . Ɔ `sie i kɛ ɔ fɛ i asiɛ'n i bue kun su b'ɔ ´fa ju i bue kun lɔ'n su'n, yɛ kɛ ɔ fɛ i Efrat'n nuan b'ɔ ´fa ju asiɛ'n i awieliɛ lɔ'n.

Jue Mun 72:8 ပူးပေါင်းရင်းမြစ်များ

1 Famiɛn Mun 5:1

Famiɛn kanngan nga be o nzue ba bɔ be flɛ i Efrat'n ɔ nin Filistifuɛ'm be mɛn'm, be afiɛn lele ɔ fa to Ezipt mɛn'n, Salomɔn sieli be. Be kwlakwla nga be o lɛ'n be o Salomɔn bo. Be suli lapo be mɛnnin i lele yɛ ɔ fa wuli-ɔ.

Jue Mun 2:8

Sɛ ɔ waan n fa mɛnmɛn mun m `man wɔ'n, sɛ ɔ waan n fa asiɛ'n i lika'n kwlaa n `fa man wɔ'n, kan nan n fa man wɔ, be ´yo ɔ liɛ.

Jue Mun 80:11

Fie sɔ'n i fɔnvɔ'n katali oka'm be su. Yɛ i nun waka'm be sama'm be trɛli, be katali sɛdri waka'm be su.

Jue Mun 89:25

N su kpɔci-mɛn i mlɔnmlɔn le. N su yaci-mɛn i kpa yolɛ le. N ´yo man i wunmiɛn'n ɔ ´uka su tititi.

Jue Mun 89:36

M bɔbɔ min Nyanmiɛn n tali nda. ?N ´kaci aniɛn David wun sɛ?

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»