Jue Mun 72:4 - NYANMIƐN NDƐ'N 1998

⁴ Man famiɛn'n bu yalɛfuɛ'm be ndɛ mun i atin su kɛ ɔ fata'n sa. Man ɔ de nyrɛnnɛnfuɛ mun. Man ɔ nunkun be bɔ be kle sran'm be yalɛ'n.

Jue Mun 72:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:2

?Amun kpa'n, blɛ onin yɛ amun ´yaci min yalɛ klelɛ nin-ɔn? Blɛ onin yɛ amun ´yaci min anwlɛn kpɔtɔlɛ nin amun ijɔlɛ beblebe nin-ɔn?

Zɔb I Nyrɛnnɛn Wunlɛ 34:24

Ɔ usa-usa-man lele nan ɔ'a yi be bɔ be kwla'n be ase, nan ɔ'a fa sran uflɛ ɔ'a sie be osu.

Jue Mun 109:31

Afin ɔ jran yalɛfuɛ'n i sin. Ɔ de i be nga be bu i fɔ'n bé sa nun.

Jue Mun 2:9

A ´fa ɔ famiɛn kpɔnman b'ɔ ti blalɛ'n yɛ a ´fa bo mɛn sɔ'm be nunfuɛ mun-ɔn. A ´bubu be nun kɛ be su bo sɛ bɔ be fa ufa be wu'n sa .› »

Jue Mun 94:5

Anannganman, be mianmian ɔ sran mun, be yo ɔ sran'm be tɛtɛ.

Nyanndra Mun 20:26

Famiɛn ng'ɔ si ngwlɛlɛ'n, ɔ si be nga be ti klunwifuɛ'n mun, yɛ ɔ kle be nyrɛnnɛn.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Ezai 42:3

Ɔ su bu-man ndɛ mma nga ɔ'a bli'n. Ɔ su nuan-man kannin ng'ɔ su nuan'n. Ɔ ´kle sa kpa yolɛ'n i atin'n, nanwlɛ'n su yɛ ɔ ´nian kle atin sɔ'n nin-ɔn .

Ezai 9:4

Be kpɔfuɛ'm be ngbabua nga be sili be ase gbugbu be fa ko kunnin alɛ'n nin tralɛ nga be kondoli mmoja nun'n, sin yɛ ɔ ´di be-ɔ, be ´yra kɔlikɔlikɔli.

Zakari 11:11

Kpɛkuun aenguɛ'n ka lɛ wieli. Kpɛkuun be nga be fia be yo bua'm be atɛ'n bɔ bé nyin wo min su'n, be wunnin kɛ kannzu ndɛ nga n kannin'n, Anannganman'n yɛ ɔ fa wlali mín nuan yɛ n kannin-ɔn.

Zakari 11:7

Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 18:24

yɛ Nyanmiɛn nuan ijɔfuɛ mun, nin i sran mun, ɔ nin be kwlaa nga be kunnin be asiɛ'n su wa'n, be wunnin be mmoja'n ɔ su lɔ .»

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»