Jue Mun 72:3 - NYANMIƐN NDƐ'N 1998

³ Man oka'm be yo man sran'm be di alaje, man kpɔlɛ'm be man sran'm be ng'ɔ nin be fata'n.

Jue Mun 72:3 ပူးပေါင်းရင်းမြစ်များ

Jue Mun 65:12

A yo man afuɛ b'ɔ boli i bo kpa'n, i nuan'n ɔ'a yia klanman. Kan a sin lɛ'n, lɛ ninnge'm be yo ye lele kpe nun.

Jue Mun 72:16

Man ble'n ɔ su lele ɔ bu mɛn'n nun. Man kpɔlɛ'm be su'n, be `wun kɛ aunngban'n ɔ keje ble ja kpanngban. Man ble sɔ'n i mma'm be sɔn kɛ Liban lɔ kpɔlɛ'm be su liɛ'n sa. Man klɔ'n su sran'm be trɛ kɛ fie'm be su waka'm be sa.

Ezai 45:8

Sɛ bɔlɛ ufue'n ɔ ´fin nyanmiɛn su lɔ ´gua o, sɛ sa kpa'n i yolɛ'n ɔ ´fin nyanmiɛn ble'n nun ɔ ´gua kɛ nzue'n b'ɔ tɔ'n sa o, sɛ asiɛ'n ɔ ´kpaci nan sran'm bé ti nyanlɛ'n ɔ ´bo nyrɛ nun kɛ waka sa o, yɛ sɛ sa kpa'n i yolɛ'n ɔ ´fifi nun kɛ waka mma sa o, min Anannganman, min yɛ n yo sa sɔ'm be kwlakwla-a!»

Ezai 52:7

Kɛ jasin fɛ bofuɛ'n ɔ fin oka'm be su lɔ ba'n, i ja'm be yo nyɛnmɛn o! Ɔ kan aunjuɛ'n i ndɛ, ɔ kan sran'm be delɛ'n i ndɛ. Ɔ se Siɔnfuɛ'm be kɛ: «Amun Nyanmiɛn'n yɛ ɔ ti famiɛn nin-ɔn !»

Ezai 60:17

Sika ɔkwlɛ yɛ n ´fa blɛ wɔ-ɔ, n su fa-man aaba. Jɛtɛ ufue yɛ n ´fa blɛ wɔ-ɔ, n su fa-man blalɛ. Aaba yɛ n ´fa blɛ wɔ-ɔ, n su fa-man waka. Blalɛ yɛ n ´fa blɛ wɔ-ɔ, n su fa-man yɛbuɛ. Sɛ n ´kwla se'n, like nga n ´fa man b'ɔ ´nian ɔ su'n, yɛlɛ aunjuɛ'n, yɛ like nga n ´fa man b'ɔ ´sie wɔ'n, yɛlɛ sa nga be yo i i nuan su'n.

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.