Jue Mun 72:18 - NYANMIƐN NDƐ'N 1998

¹⁸ Man e la Anannganman Nyanmiɛn b'ɔ ti Izraɛl Nyanmiɛn'n i ase. I kunngba cɛ yɛ ɔ yo abonuan sa mun-ɔn.

Jue Mun 72:18 ပူးပေါင်းရင်းမြစ်များ

1 Be Nyoliɛ 29:10

David lali Anannganman ase sran nga be yiali'n be kwlaa be nyrun. Ɔ seli kɛ: «Anannganman, e nannan Izraɛl i Nyanmiɛn, e la wɔ ase titi, e su yaci-mɛn i le.

1 Be Nyoliɛ 29:20

Yɛ David seli sran'm bɔ b'a yia'n be kɛ: «Amun `la Anannganman amun Nyanmiɛn'n i ase!» Yɛ anyia nunfuɛ'm be kwlaa be lali Anannganman b'ɔ ti be si'm be Nyanmiɛn'n i ase-ɔ. Be kotoli nan b'a utu bé nyin ase Nyanmiɛn nin famiɛn'n be nyrun.

Zɔb I Nyrɛnnɛn Wunlɛ 5:9

Ɔ yo sa dandan, yɛ be wun-man sa sɔ'm bé bo. Abonuan sa ng'ɔ yo be'n be sɔnnin.

Zɔb I Nyrɛnnɛn Wunlɛ 9:10

Sa ng'ɔ yo be'n be ti dandan, be kwla wun-man be bo. Sa nyɛnmɛn-nyɛnmɛn ng'ɔ yo be'n be sɔnnin dan.

Jue Mun 106:48

Amun `la Anannganman b'ɔ ti Izraɛl Nyanmiɛn'n i ase tititi! Yɛ man sran'm be kwlaa be se kɛ: «Man ɔ yo sɔ!» An `manman Anannganman!

Jue Mun 136:4

I kunngba cɛ yɛ ɔ yi atrɛ dandan mun-ɔn, afin i klun-ufue'n wo lɛ tititi.

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 68:35

Amun `kɛn i kpa man be ti i kɛ Nyanmiɛn'n ɔ kwla. I dunman dan'n wo Izraɛl su. I kwlalɛ b'ɔ kwla'n ɔ fu lele ju nyanmiɛn ble'n nun lɔ.

Jue Mun 77:14

Nyanmiɛn, like nga a yo'n be ti saun. ?Like onin cɛ yɛ ɔ nin wɔ sɛ-ɔ?

Jue Mun 77:15

Nyanmiɛn, wɔ yɛ a yo abonuan sa mun-ɔn. A kleli nvle kun nga'm be kɛ a kwla.

Jue Mun 86:10

Afin a ti kpli, a yo abonuan sa mun. Wɔ kunngba wɔ yɛ a ti Nyanmiɛn nin-ɔn.

Jue Mun 98:1

An `to jue uflɛ-uflɛ kun manman Anannganman, afin ɔ yoli abonuan sa mun. Ɔ de sran kwlalɛ b'ɔ kwla'n nin i nzuɛn'n b'ɔ nin klɔ sran liɛ'n ti-man kun'n ti.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?