Jue Mun 72:12 - NYANMIƐN NDƐ'N 1998

¹² Afin sɛ nyrɛnnɛnfuɛ'n kpan flɛ i'n, ɔ ´de i. Ɔ de yalɛfuɛ b'ɔ lɛ-man wie'n.

Jue Mun 72:12 ပူးပေါင်းရင်းမြစ်များ

2 Samiɛl 14:16

N seli min wun kɛ: ‹Sakpa-sakpa, famiɛn'n ɔ ´le min sran nga i waan ɔ ´nunnun min nin mín wa'n, nan nán e tran Nyanmiɛn i nvle'n nun wie kun'n, i sa nun.›

Zɔb I Nyrɛnnɛn Wunlɛ 29:12

Afin nyrɛnnɛnfuɛ nga i nuan to min'n, n de i. Yɛ aika ng'ɔ lɛ-man sran'n, kɛ n yo i sɔ wie-ɔ.

Zɔb I Nyrɛnnɛn Wunlɛ 36:15

Yalɛ yɛ Nyanmiɛn fa de yalɛfuɛ nin-ɔn. Ɔ fa sa yi i su fa kan ndɛ kle i.

Jue Mun 10:17

Anannganman, like nga nyrɛnnɛnfuɛ'm be kunndɛ'n, a si, a wla be fanngan, a sie ɔ́ su tie be ndɛ mun.

Jue Mun 102:17

Anannganman'n ´kplan Siɔn klɔ'n uflɛ, ɔ yi i anyrunnyan'n i nglo.

Jue Mun 102:20

Afin kɛ Anannganman wo i tranwlɛ'n nun lɔ'n, ɔ kpɛ i nyin ase nian. Kɛ ɔ o nyanmiɛn su lɔ'n, ɔ nian asiɛ wun wa.

Jue Mun 55:17

N liɛ'n, n kpan n flɛ Nyanmiɛn, kpɛkuun ɔ'a de min.

Jue Mun 72:4

Man famiɛn'n bu yalɛfuɛ'm be ndɛ mun i atin su kɛ ɔ fata'n sa. Man ɔ de nyrɛnnɛnfuɛ mun. Man ɔ nunkun be bɔ be kle sran'm be yalɛ'n.

Nyanndra Mun 29:7

Klun-ufuefuɛ'n ɔ jin yalɛfuɛ'm bé sin, sanngɛ klunwifuɛ'n si-mɛn i sɔ akunndan'n.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Ezai 41:17

Yalɛfuɛ mun nin nyrɛnnɛnfuɛ'm be kunndɛ nzue, sanngɛ be nyan-man wie. Nzue we'n ti be konviabo ɔ'a wu kee. M bɔbɔ min Anannganman n wa tɛ be srɛlɛ'n su. M bɔbɔ min bɔ n ti Izraɛl Nyanmiɛn'n, n su kpɔci-man be.

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

JÉSUS-CHRIST I DYASIN FE'N BO LUC KLELI'N 7:22

Yɛ ɔ seli be kɛ: «An `ko kan like nga an wunnin i'n nin ndɛ nga an tili'n kle Zan. An se i kɛ anyansifuɛ'm be wun ase, cɛcɛwafuɛ'm be nanti, kokowefuɛ'm bé wun sa, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

1 Samiɛl 22:2

Sran nga afɛ o bé su'n, nin be nga kalɛ o bé su'n, ɔ nin be nga klunngbɔ o be klun'n be kusu be ko yiɛli i wun lɔ. Ɔ man i sa nun sran'm be juli ya nnan. I yɛ ɔ yoli be siefuɛ-ɔ.