Jue Mun 72:11 - NYANMIƐN NDƐ'N 1998

¹¹ Famiɛn'm be kwlaa be ´koto i bo, mɛnmɛn nunfuɛ'm be kwlakwla be ´su i.

Jue Mun 72:11 ပူးပေါင်းရင်းမြစ်များ

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Ezai 11:9

Be su yo-man sa tɛ Anannganman i oka'n su, be su saci-man like fi Anannganman i oka'n su. Kɛ jenvie'n i nzue'n ɔ kata i bo lɔ'n su'n ju'n, i kunngba nin-ɔn, asiɛ'n wunmuan'n su sran'm be ´si Anannganman lelele .

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Mise 7:17

Be ´nɔn ndutre'n kɛ wuo nin nnɛn nga be cuɛn bé wun ase'n be sa. Be ´fin be fiawlɛ'm be nun be ´ba-a be lɛ usulɛ. Be ´ba wɔ Anannganman bɔ a ti e Nyanmiɛn'n ɔ sin, srɛ ´kun be, be wa sro wɔ.

Kalɛ 24:7

A wun be-ɔ, ɔ waan nzue b'ɔ fin nzue ti lika wie nun lɔ ɔ wa lualua fie mun'n sa. Izraɛlfuɛ'm be famiɛn'n ɔ kwla Agag, be nvle liɛ'n ɔ su nyan wunmiɛn dan kpa.

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 21:24

Nvle-nvlefuɛ'm be ´nanti i kpajalɛ'n nun, yɛ asiɛ'n su famiɛn'm be wa fa be anyanbeun ninnge mun ´ba klɔ sɔ'n su.

Sa nglô yile 21:26

Be ´fa nvle-nvle'm be anyanbeun nin be anyrunnyan ninnge mun ba klɔ sɔ'n su.