Jue Mun 72:10 - NYANMIƐN NDƐ'N 1998

¹⁰ Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Jue Mun 72:10 ပူးပေါင်းရင်းမြစ်များ

Bo Bolɛ 10:7

Kis wuli Seba, Avila, Sabta, Raɛma yɛ Sabtɛka. Raɛma wuli Seba yɛ Dɛdan.

1 Famiɛn Mun 10:1

Seba famiɛn bla'n tili Salomɔn i anyrunnyan ng'ɔ fin Anannganman'n i ngan. Bla'n bali kɛ ɔ wa usɛ i sa kekleekle mun ´fa kpɛ i ngwlɛlɛ'n i bo nian sɛ sakpa ɔ si ngwlɛlɛ o.

1 Famiɛn Mun 10:10

Seba famiɛn bla'n fali sika ɔkwlɛ b'ɔ ´ju tɔnun nsan nin sin, ɔ nin parfɛn kpanngban kpa, ɔ nin yɛbuɛ kpakpa mun, ɔ fa mannin famiɛn'n. Kɛ ɔ fin lɛ'n, be nian wun-mɛn i kɛ be blɛli famiɛn Salomɔn i parfɛn kpanngban kɛ nga Seba famiɛn bla'n fa bali'n sa.

1 Famiɛn Mun 10:2

Ɔ bali Zerizalɛm. Ɔ ´ba'n, ɔ man sran kpanngban kpa be wa sunmɛnnin i. Nyɔnngɔnmɛn ng'ɔ nin be bali'n, be sua ayre fannin nin sika ɔkwlɛ kpanngban kpa yɛ yɛbuɛ kpakpa mun. Ɔ wa toli Salomɔn nan ɔ'a usɛ i kosan kwlaa ng'ɔ o i klun lɔ'n kwlakwla.

1 Famiɛn Mun 10:25

Kɛ be ´ba'n, like o bé sa nun sɛsɛsɛ, kɛ be wa fa cɛ i. Wie'm be fa like nga be fa jɛtɛ ufue be yo be mun, annzɛ like nga be fa sika ɔkwlɛ be yo be mun. Wie'm be man tralɛ mun annzɛ alɛ ninnge mun, annzɛ parfɛn mun, annzɛ kusu nnɛn kpanngɔ mun, ɔ nin milɛ mun. Afuɛ kwlakwla kɛ be yo i sɔ-ɔ.

2 Be Nyoliɛ 9:21

Famiɛn'n lɛ mmeli mun. Ɔ man Iram i sufuɛ'm be fa be kɔ mmua kpa. Be kɔ Tarsis. Afuɛ nsan kwlaa be fɛ i lɔ be ba kpalɛ kun. Kɛ be ´ba'n, be fa sika ɔkwlɛ, nin jɛtɛ ufue, nin sui je, nin ndo, ɔ nin anunman fanunfanun mun ba.

Ɛstɛr 10:1

Famiɛn Asieris man i nvlefuɛ nga be tran jenvie nuan'n nin be nga be o i asiɛ wunmuan'n su'n be dili plɔtrɔ junman.

Jue Mun 45:12

Ɔ klanman'n ti, famiɛn'n klo wɔ. Kɛ bɔ i yɛ ɔ sie wɔ siɛn'n ti'n, koto i bo.

Jue Mun 68:29

Min Nyanmiɛn, yi ɔ kwlalɛ bɔ a kwla'n i nglo kle ye. Ɔ kwlalɛ bɔ a kwla'n ti a yoli wie mannin ye o!

Jue Mun 68:30

A o ɔ sua'n nun lɔ yɛ a sie Zerizalɛm nin-ɔn. Famiɛn'm be ´fa be lapo mun be blɛ wɔ.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Ezai 60:3

Nvle-nvle'm be nunfuɛ'm be wa nanti ɔ lika b'ɔ kpaja weiin'n nun, yɛ famiɛn wie'm be ´nanti ɔ lika b'ɔ kpaja weiin sɔ'n i nun wie.

Ezai 60:6

Nyɔnngɔnmɛn bɔ bé wiasin'n lɛ kpɔlɛ nnyɔn'n, sran'm be ´fa kpanngban kpa be ba, nnɛn sɔ'm be ´yi ɔ mɛn'n, yɛ nga bɔ bé wiasin'n lɛ kpɔlɛ kunngba'n, be ´fa wie kusu fin Madian nin Efa be ´ba. Sebafuɛ'm be ´fa sika ɔkwlɛ nin ansans be ´ba. Nyanmiɛn i sa dandan ng'ɔ yoli be'n be su jue tolɛ ti yɛ be fa ba sɔ-ɔ .

Ezai 60:9

Be nga be tran jenvie'n nuan mmua mmua lɔ'n, bɔ be lafi min su'n, be yɛ be ba-a. Tarsis lɔ mmeli'm be dun mmua be nyrun, be sua ɔ mma bɔ be o mmua mmua lɔ'n mun ba. Be jɛtɛ ufue'n nin be sika ɔkwlɛ'n wo mmeli sɔ'm be nun wie. Be ba Anannganman ɔ Nyanmiɛn'n i manmanlɛ, afin ɔ yo man a nyan nyrun.

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.